• Friday, 29 March 2024
logo

hêzî çekdarî mîlîşiyakan û pareyi bê şumarî layene siyasîyekan çi core '

hêzî çekdarî mîlîşiyakan û pareyi bê şumarî layene siyasîyekan çi core '

hêzî çekdarî mîlîşiyakan û pareyi bê şumarî layene siyasîyekan çi core '


fraksiyonî sayrun ke lenaw perlemanî 'êraqda nwênerayetîyi rewtî sedr dekat û, rewtî sedrîş ke her le êstawe bangeşeyi ewe dekat, serok wezîranî dahatû debêt kandîdî ewan bêt, yan debêt xoyan kandîdeke pesend biken, le hellmetetêkî pêşwexteyi hellbijarinda û le yek dû mangî rabrdû, manorrêkî 100 hezar çekdarî le şeqamekanî beẍdayi paytext encam da, em manorre çekdarîyeyi mîlîşiyakanî sedr ew peyameyi be 'êraqiyekan da, katêk rewtî sedr pêşwexte bangeşe bo ewe dekat, ke debêt serok wezîranî dahatuwî 'êraq ewan diyarî biken, ewa em dawaye lew hêze çekdarîyewe serçaweyi grtuwe ke le yek manorrda le şeqamekanî beẍdayi paytext bînîman.

le çend rojî rabrdûş dwayi eweyi fermandeyekî liywayi ḧeşdî şe'bî lelayen hîzekanî 'êraqewe destgîr kra, dîsan manorre çekdarîye gewrekeyi ḧeşdî şe'bîman bînî ke çon nawçeyi sewziyan gemaroda û, em manorreyi ḧeşdî şe'bî-îş dîsan ew peyameyi da be 'êraqîyekan ke ewan be krdeyî xawenî desellatin û le damezirawekanî dewlletî 'êraq behêztirin û keyi biyanewêt nek her detwanin kudetayi serbazî encam biden, bellku deşitwanin ḧkumet û damezirawekanî dîkeyi dewllet be dîl bigirin.

le beramber em dû manorre serbazîyeda, ḧkumet û supayi 'êraq wek dû karakterî bêdesellat derkewtin û neyantwanî hîç kardaneweyekiyan hebêt, boye lenaw em waqî'e prsiyarî serekî eweye: katêk ḧkumetî mstefa kazimî bangeşe bo hellbijardinîkî pak û bêgerd û dûr le saxtekarî dekat, em bangeşeyeş desellat û nfûzî ew hêze siyasîyaneyi ke xawenî hêzî çekdarin dexate metirsîyewe, aya zemîne ewende lebar debêt ke bitwanrêt bew şiyweye hellbijardinekan encam bidrêt? diyare lenaw paşagerdanî eminî û siyasîyi 'êraqda em prsiyare bê wellame.

lenaw em waqî'e siyasîyi û eminîyeyi êstada ke bangeşekan bew arasteyen hellbijardinî pêşwexte lekatî xoyi le 10î 10î 2021 berrêwe deçêt, hewllekan bew arasteyen ke akamî hellbijardin carêkî dîke bo berjewendîyi (şî'eyi siyasî) yeklayî bibêtewe, emeş bibête çetirêkî şer'yet bo eweyi raşkawanetir hengaw bo damezirandinî komarî îslamîyi siyasîyi şî'e hellbigirin.

em waqî'e layi cnîn bilasxart-î serokî nêrdeyi nêwdewlletîş aşkraye û, her lew kateweyi bo serkewtinî hewllekanî serdanî ayetulla sîstanî krd û, paş ewîş bo ragirtinî hêrşî mîlîşiyakan bo ser nêrde nêwdewlletiyekan ke serdanî – ebu fedk- yi cêgrewî mehdî muhendîsî krd, be krdeyî eweyi selmanduwe ke bo netewe yekgrtuwekan kêşeyek nîye mamelle legell dewlletîkî fîdrrallî û dîmukratî û medenî bikat, yan desellatîkî mîlîşiyayî wek hêzekanî ḧeşdî şe'bî.

em waqî'e ewe deselmênît ke netewe yekgrtuwekan pêş encamdanî hellbijardinekan ew rastîyeyi la aşkraye ke proseyi hellbijardin nexşeyi proseyi siyasîyi 'êraqî pê nagorrêt û, nexşeke her debêt bew şêweye bêt ke layenekanî şî'eyi siyasî deyanewêt û, eger hewllêkîş hebêt, ke pêçewaneyi xwastî layenekanî şî'eyi siyasî bêt, ewa layi rûne ke hellbijardinekan le 'êraqda encam nadrêt, emeş lelayen beşî zorî layenekanî şî'eyi siyasîyi neşardrawetewe û legell eweyi amaje bewe deken, amadebaşîyan heye bo hellbijardinî pêşwexte, bellam be başitirî dezanin ke em hellbijardine pêşwexteye encam nedrêt û çawerrêyi ewe biken, em xuleyi perleman karekanî xoyi tewaw bikat.

leser em binemaye çawdêranî siyasî bew core şroveyi em barudoxe siyasî û eminîye allozeyi êstayi 'êraq deken, ke şî'eyi siyasî le 'êraq – koyi layene siyasîyekanî şî'eyi desellat- le hewllî ewedan pêş encamdanî hellbijardineke, dû çetirî şer'yet bo maneweyi xoyan le desellatda be şêweyekî praktîkî zamin biken, ke yekemiyan çetirî şer'yetî akamekanî hellbijardine, çetirî duwemîşiyan dûbare kandîdkrdineweyi mstefa kazimî serok wezîranî 'êraq bo serok wezîranî dahatuwî 'êraqe, emeşiyan wek wekîlêkî hawbeş bo koyi layene siyasîyekanî şî'e lenaw proseyi siyasîyi dahatuwî 'êraqda, bêguman wêrrayi eweyi layene siyasîyekanî şî'e kem ta zor rexineyi tund le edayi ḧkumetekeyi kazimî degirin, bellam kazimî le maweyi ew sall û çend mangeyi lem qonaxe sext û dijware serokayetîyi encumenî wezîranî 'êraqî krduwe, raste gutarî zor tundî dawe, bellam be praktîkî hengawêkî hellinegrtuwe ziyanî bo şî'eyi siyasî le 'êraqda hebêt, lemeş ziyatir hengawêkî hellinegrtuwe ke legell ewaneyi pêyan degutirît – çekî le yasa derçû- karêk bikat bîgeyenête mirîşke reşe.

lêrewe arasteyi nexşeyi dahatuwî proseyi siyasî 'êraq berew dû araste hengaw helldegrêt, yekemiyan parastinî stiratîjiyetî îslamî siyasîyi şî'e. duwemiyan zemîne xoşkrdin bo gorrangarîyi tektîkî, em dû arasteye le nawerokda stiratîjiyetî îsllamîyi siyasîyi şî'e wek xoyi dehêllêtewe û berew pêşeweyi debat, le rûkarîşîda gorranikarîyekî taktîkî drust dekat, ke welamî xopîşanderan û komellgeyi nêwdelletî pê dedatewe.

Top