Endamekî parlementoya Kurdistanê dibêje, beşek pir biçûk ji dahata Silêmaniyê diçe xezîneya hikûmetê loma mûçeyê karmendan gîro dibe.

Vê carê dîsa mûçeyê karmendên hikûmeta Kurdistanê gîro bû. Hikûmet bi lêbirrîna %21 jî nikare bi hêsanî mûçe bide.

Parlementerê Kurdistanê, Mem Eskender li ser vê mijarê ji BasNewsê re got, sebeba serekî ya vê yekê ew e ku beşek pir biçûk ji dahata Silêmaniyê diçe xezmîneya hikûmetê, ji ber wê jî mûçe gîro dibe û gelek arîşeyên din derdikevin.

Mem Eskender her wiha got, di dahata deriyên sînorî yên li parêzgeha Silêmaniyê de ne zelalî heye û piraniya dahata wir ne xuya ye. Ev jî dibe sebeba arîşeyan.

Wî parlementerê Kurdistanê anî ziman, dahata deriyên sînorî gelekî zêde bûye û got, bi zêdebûna dahatê re her meh heman kujmê didin hikûmetê. Ma wisa dibe! Li kêleka deriyên qanûnî, qaçaxçîtî jî tê kirin. Asayişa YNKê li aliyekî û qaçaxçîyên din jî li aliyekî ji xwe re dibin. Divê were zelalkirin ev mijar ka çima asayiş vê yekê dike. Dahata asayişê diçe ku. Ev resmen dizî ye.

 

Basnews