D. Siyan slêman skrtêrî yekêtîyi afretanî kurdistan bo Gullan: yekêtîyi afretanî kurdistan diyarîyi mela mstefa barizanî û zadeyi bîrî yeksanîxwazîye

 

yekêtîyi afretanî kurdistan rêkxirawêke mêjûyekî prşngdarî heye û kar û koşşekanî diyar û berçawn û destkewt û serkewtinî giringî bedest hênawe, lem bareyewe gullan dîdarêkî legell d. viyan slêman skrtêrî yekêtîyi afretanî kurdistan encam da.

 

* rojî 11/12 lelayi êwe çî degeyenêt, betaybetî ke emsall ḧefta salleyi temenî yekêtîyi afretanî kurdistan bû, lem boneyeda çi peyamêkt heye?

- le layi êmeyi afretanî kurdistan 11î12 destpêkî şorrşêkî komellayetîye hawşan legell şorrşêkî neteweyî, herweha rojî gorran û gorranikarî û bedîhatinî awatekanî neteweyekî stemdîdeye û bo hellbirrînî dengî afretanî kurdistane ke ême le kurdistanda hawşanî piyawekan le şorrşî neteweyî û yeksanîda be yekewe xebat dekeyin û, hellbirrînî denge beranber ew nerîte konaneyi ke azadîyi afret berbest deken û hellbirrînî dengî azadîyi afretanî kurdistane bo azadîyi xak û mirov û afret, yekêtîyi afretanî kurdistan diyarîyekî bawkî nemir, barizanîyi nemire, bo ême le dîdî yeksanîxwaz û zadeyi bîrî yeksanîxwazî barizanîyi nemire, ew dîdeyeyi ke serçawe le rêbazî pîrozî barizanewe degrêtewe, ke leser binemakanî xoşewîstî û yeksanî û pêkewejiyan û dadperwerîyi komellayetî binyadinrawn, barizanîyi nemir baş deyzanî eger afret azad nebêt û le çwarçiyweyi mall neyete derewe û huşiyar nebêt û neyetewe naw gorrepanî xebat û huşiyarîyi neteweyî û komellayetî û mirovdostî negate ew aste, ew şengsete gewrane le naw dllî newekanî yek le dwayi yekî kurdistanda naçeqn û gewre nabin, boye be damezirandinî yekêtîyi afretanî kurdistan barizanîyi nemir twanî eme biçênêt ke newe dwayi newe û le êstaşda le naw dllî kçanî êmeda cêgîr debêt û deçêndrêt. bêguman 11/12 şorrşêkî komellayetî bû, ke afretan le kabanî mallewe geyandrane serkrdayetîyi komellge.

* aya rollî afretan le prose neteweyî û nîşitmanîyekanda çon debînît?

- mêjû şahîde le prroseyi azadîyi neteweyîda, betaybet her dû şorrşî eylûl û gullan, pêş şorrşîş ke yekêtîyi afretan lelayen bawkî roḧîyi kurd barizanîyi nemirewe le sallî 1952 damezirawe, endamanî yekêtîyi afretanî kurdistan rollêkî zor gewreyan le şorrşî neteweyîda dîtuwe, çi wek beşdarîyan le şorrşekan û çi wek rêkxistinî nhênî û çi wek pêşmerge, çi wek hêzî hander û pşitgîrîyi hêzî pêşmerge û çi wek handerî hawserekaniyan le beşdarîyi şorrş û pêşmergayetîda, betaybet le berrêwebrdinî mindall û xêzanekaniyanda, taweku bra û hawserekaniyan bitwanin le çiya û meydanî xebat û şorrşgêrrîda drêje be xebat û qurbanîdan biden. afretanî kurdistan le şorrşekanda xawenî deyan şehîdî serberizn bo kurd û kurdistan û, le herdû qonaẍî aramîyşda le sallî 1958 ta 1961 û le sallî 1970 ta 1974da debînîn afretanî kurdistan be çi gurr û tînêkewe dênewe naw karî aşkrayi siyasî û neteweyî û barega dademezirênin û rollêkî zor karîger debînin le pêşxistinî afretanda û rollêkî zor berçaw û karîgeryan hebuwe le hemû kat û qonaẍêkî şorrş û aramîda, bo serkewtinî rêbazî partî û barizanî, hawkat yekêtîyi afretan hewll dedat le rêkxistinekanda zortirîn afretan beşdar bin û rollî karîgeryan hebêt û yarmetîyi xêzan û afretanî hejar deden û xulî nexwêndewarî û ewaneyi pêwîst bêt bo afretan deykenewe, yekêtîyi afretan şorrşêkî medeniyaniye dekat bo yeksanî û pêşxistinî afretan le beşdarîyi cumge û damezirawe siyasî û ḧkûmîyekanda û kar dekeyin bo gorrînî hemû ew nerîte konaneyi ke pêgeyi afretan le naw komellgeda kem dekenewe. herweha le dwayi azadîyi gelî kurdistan le beharî 1991da yekêtîyi afretanî kurdistan rollî berçawî hebuwe le pêşxistinî komellgeyi kurdistan û, beşdarbuwe le prose medenîyekanda û beşdarîyi krduwe le perleman û dameziraweyi ḧkumetî kurdistan û çendîn ple û payeyi karîger û beriz û giringî bedest hênawe.

* giringîdanî cenabî serok barizanî û herdû serokayetîyi herêm û encumenî wezîranî kurdistan be afretan, çone û ta çend le astî tmûḧî êwedaye?

- şanazîye bo afretanî kurdistan, betaybet bo yekêtîyi afretanî kurdistan ke xawen serok û serkrdeyi roḧîyi neteweyi kurd û kurdistanîn ke cenabî serok ms'ud barizanîye, ke berdewam û le hemû pêşhat û bone û karekanda pşitiywan û rollî êmeyi afretan zor beriz denrxênêt û, pşitiywanêkî rasteqîneyi afretanî kurdistane û, hewllî dawe ke afretan le naw hemû komellge û kaye siyasî û neteweyî û ḧkûmî û perlemanîyekanda şanbeşanî piyawan bin, ke emeş hzirêke le mêşk û roḧî raber û serokman cenabî serok barizanî le bawkî nemirewe boyi çêndrawetewe û lew perrî dllsozî û betengewehatinewe karî bo serkewtin û beşdarîyi êmeyi afretan le prs û karekanî naw komellgeyi kurdistanda krduwe, hawkat le serokayetî herêm û encumenî wezîranîş ew mawe û kate rexisawe ke afretan le hemû cumge û damezirawekanda le raperrandin û cêbecêkrdin û yasadanan û qezada beşdarîyi kara û berçawyan hebêt. lelayekî dîkewe hemû katêk le mêjûşda afretanî partî dîmukratî kurdistan geyşitûnete serkrdayetî, êstakeş le perleman û hellbijardinekanda zortirîn afret be bê dengî kota û wek dengî rasteqîneyi gelî kurdistan zortirîn deng dehênin û debin be perlemantar, çendîn kes le afretanî ême bûn be wezîr û postî giring û karîgeryan le berrêwebrdinî herêmî kurdistanda bedest hênawe.

* aya le kabîneyi noyemda ta çend giringî be rollî afret drawe le kaye û damezirawe giringekanî ḧkumetda, herweha ta çend giringîyan be prsî afretan dawe?

- be teikîd le hemû kabînekanî ḧkumetî herêmî kurdistan giringîyi zor be beşdarîyi afretan le berrêwebrdinî wllatda drawe, bellam le kabîneyi noyemda ew giringîdane le berrêwebrdinî cumgekanî ḧkumetda zor ziyatir û karîgertir buwe û, debînîn rêjeyi afretan betaybetî ewaneyi derçuwî qutabixaneyi yekêtîyi afretanî kurdistanin, zor ziyatire û berew pêşitir çuwe û, kabîneyi noyem deyewêt le hemû rûyekewe yeksanî û dadperwerîyi ziyatir berceste bibêt, bo ew mebesteş afretan le zorbeyi kayekanda hen û le perlemanda debînîn ke rolliyan le dananî yasa û serkewtinî kiyaneke û seqamgîrîyi herêmî kurdistanda ta çend beriz û berçawe.

* pêşniyar û boçûntan bo ziyatir giringîdan be afretan û xêzan le komellgeyi kurdistanda çîye?

- ew serdeme û gorranikarîyi dunya wayi krduwe ke gorranikarî le xwastî afretanî kurdistanîşda drust bêt, çendîn kemukurrî heye, boyi heye le astî xwastî êmeda nebêt, bellam xwast şitêke û hatinedî û cêbecêkrdinîş şitêkî dîkeye, raste ême destkewtî baş û zorman bedest hênawe û karîgerîman leser komellge heye, bellam hêşita negeyşituwînete ew asteyi tmûḧî êmeyi afretanî kurdistan wek eweyi ke pêwîste bêtedî, egerçî rêgeyekî dûr û drêjman le pêşe bo eweyi ew yeksanîyeyi le beşdarîkrdin û yeksanî le destkewt û yeksanî le berprsiyariyetî heye, boman bêtedî. lêreda le cenabî serok barizanî wek serokî partî dîmukratî kurdistan û herdû rêzdar cêgranî serokî partî dwakarîn, ziyatir pallpşit û hawkarman bin bo hatinedîyi ew yeksanîyaneyi ke le jiyanda heye, herwek eweyi ke le pêşitirîş hawkar û pşitiywanman bûn bo hatinedîyi amanc û yeksanîyekanman. le layekî dîkewe prsî afret mêjuwîyi û komellayetî û perwerdeyî û yasayî û siyasîye, ke leser prsî afret kar dekrêt, ême dawakarîn lew prseda ew yeksanîyaneyi ke pêwîste bo afretan, berceste bikrêt le dû xallda, yekem: hawpêgeyî afretan legell piyawan le naw xêzan û komellgeda.

duwem: afret xawenî berhem û birriyarî xoyi bêt bo hatinedî amancekanî, emaneş debêt ême xoşman karî berdewamî leser bikeyin û hoşiyarî û geyandinî be komellge û xêzan karî cdidî dewêt. emeş debêt le rêgayi perwerde û proseyi xwêndinewe dest pê bikat, ta hengaw be hengaw be şêweyekî leserxo bigate hzir û bîrî hemû takêkî komellgekeman.

* aya le kongreyi 14î partî dîmukratî kurdistanda ew rêje û jmareyi afretaneyi beşdarbûn û bûn be endamî serkrdayetî, taçend le cêgayi xoyda û le astî tmûḧî afretanda buwe?

- rêjeyi afretan lem kongreyeda rêjeyekî zor baş bû, karîgerîyi xoyşî hebû le naw kongreda, bellam aya le tmûḧî êmeda bû? bêguman le astî xwastî êmeda nîye, raste kota heye, bellam emeş şîrêkî dûsereye, le hemanikatda derfetêke bo beşdarîyi afretan le mumareseyi kaye ciyawazekanda, bellam le hemanikatda le naw kotada layenî nerênî heye, egerçî bo ew qonaẍe beşdarîyi afrtan le kongrekeda baş bû, bellam dawakarîn le kongreyi dahatûda rêjeyi beşdarîyi afret zor ziyatir bikrêt û be bê kota û be dengî xoyan mekanet û plekan bibirrin.

* peywendîtan legell sendîka û komelle û yekêtîyekanî dîkeyi afretanî kurdistan û wllatanî derewe, betaybet ewrupa çone?

- peywendîyi yekêtîyi afretanî kurdistan leser astî nawxoyi herêmî kurdistan legell rêkxirawî afretanî ḧzb û layene siyasîyekanî dîkeyi kurdistan zor başe û, le torrêkî rêkxiraweyî legelliyan beşdarîn û leser prsî afretanî kurdistanda hemaheng û hawkarî yektirîn û legell rêkxirawekanî medenî, ewaneyi le naw herêmî kurdistan leser prsî mafî mirovـ û afretan kar deken, le peywendîyi bedrewam û başdayin û karî hawbeş encam dedeyin, hawkat leser astî wllatanî dereweş peywendîman legell encumenî afretanî ewrupa heye û, le 11 wllat û şwên maf û nwênerayetîyi afretanman heye, ke be xobexşî leser prsekanî afretan kar deken.