Peyama Serok Barzanî bo cejna sersala Êzidiyan
Serok Barzanî hêviya bexteweriyê bo Êzidiyan dixwaze.
Serok Barzanî bi minasebeta cejna sersala Êzidiyan peyameke pîrozbayî pêşkêş kiriye ku, ev jî tekesta vê peyamê ye:
Bi navê xwedayê mezin û dilovan
Bi minasebeta hatina cejna serê sala ola Êzidî (Çarşema Sor), germtirîn pîrozbahiyên xwe pêşkêşî xûşik û birayên Êzidî dikim û hêviya şadî û bexteweriyê ji bo wan dixwazim.
Hêvîdarim tevahiya cejn û xweşiyên xwe di rewşeke aram û pir ji bextewerî de pîroz bikin û dawî bi wan êş û azaran bê ku berî çend salan ji ber zulma terorîstan û koçberî û derbederiyê dîtibûn.
Bimînin di xêr û xweşiyê de
Mesûd Barzanî
18ê Nîsana 2023