• Tuesday, 23 April 2024
logo

Dêrezor: Êrişî baregeha HSDyê hat kirin

Gulan Media February 12, 2024 Nûçe
Dêrezor: Êrişî baregeha HSDyê hat kirin

 Li bajarokê Şihêlê yê Dêrezorê êrişî baregeha Hêzên Sûriyeya Demokratîk (HSD) hat kirin.

Şervanên HSDyê bersiv da êrişê û di navbera wan û êrişkaran de şer û pevçûnên dijwar qewimîn.

Li aliyê din, heta niha jî nayê zanîn bê êrişkar kî ne û HSDyê li ser ziyanên êrişê ti agahî nedane.

Herwiha Hêzên Hevpeymaniya Navneteweyî jî piştî êrişê bi 8 zirxpoşan li bajarokê Şihêlê dest bi gerekê kir.

Balafireke şer jî ji hewayê ve piştgirî da xebatên lêgerînê.

Doh jî êrişî HSDyê hatibû kirin

Doh jî hinek çekdaran êrişî baregeha HSDyê ya li Bisêreyê ya Dêrezorê kiribû.

Hêzên HSDyê piştre derbasî nava Bisêreyê bûbûn û qedexeya çûn û hatinê hatibû ragihandin.

HSDyê doh ragihandibû ku çekdarên bi ser Hikûmeta Sûriyeyê ve êrişî baregeha wan a li bajarokê Şeifeyê yê li rojhilatê Dêrezorê kiriye û 5 şervanan canê xwe ji dest daye.

 

Rudaw

Top