29ی‌ كانوونی‌ دووه‌م/ یه‌نایه‌ر (گوڵان میدیا)- بڕیاره‌ له‌ مانگی ئاداری داهاتوو كۆنگره‌ی‌ یه‌كێتی‌ زانكۆكانی‌ عه‌ره‌ب به چاودێری سه‌رۆكی هه‌رێمی كوردستان له‌ شاری هه‌ولێر به‌ڕێوه‌بچێت و زیاتر له‌ 200 زانكۆش به‌شداری تێدا بكه‌ن.
ئه‌و كۆنگره‌یه‌ له‌لایه‌ن سه‌رۆكایه‌تی‌ زانكۆی سه‌ڵاحه‌دینه‌وه‌ له‌ هه‌ولێر به‌ڕێوه‌ده‌چێ و دواجاریش ساڵی 1979 له‌ عێراق به‌ستراوه‌.
كۆنگره‌ی زانكۆ عه‌ره‌بیه‌كان ساڵانه‌ له‌ وڵاتانی عه‌ره‌بی ده‌به‌سترێ و ئه‌مساڵیش گرنگییه‌كی‌ زۆری بۆ هه‌رێم ده‌بێت، به‌تایبه‌تی بۆ پرۆژه‌ی‌ تواناسازی‌.