زانکۆی گەرمیان خولێکی ھۆشیاری سەلامەتی بۆ قوتابیانی بەشە ناوخۆییەکان کردەوە
د.فەرھاد قادر بەڕێوەبەری کاروباری فوتابیان لە زانکۆی گەرمیان راگەیاند: بەڕێوەبەرایەتیەکەمان بە ھاوکاری بنکەی ئاگرکوژێنەوەی گەرمیان، شەوی رابردوو بە شێوەیەکی تیۆری و پراکتیکی وانەیەکی تایبەت لەسەر ھۆشیاری و رێنمایی و راھێنان کراوە بە خوێندکارانی بەشە ناوخۆییەکانی فاکەڵتی پەروەردە لە کەلار.
گوتیشی: لە سەرەتای دەستپێکی ساڵی نوێی خوێندنەوە لەسەرجەم بەشە ناوخۆییەکان، پێداویستیەکانی (ئاگرکوژێنەوە، زەنگی ئاگاداکردنەوە و پەیژەی رزگاربوون) لە بەشە ناوخۆییەکاندا دابینکراون و لەم خولەدا رێنایی بە خوێندکاران درا لەسەر چۆنێتی بەکارھێنانیان. بەڕێوەبەری کاروباری قوتابیان ئاماژەی بەوەشکرد، لە چەند رۆژی داھاتوودا ھەمان خول بۆ خوێندکارانی بەشە ناوخۆییەکانی فاکەڵتی زانستەمرۆڤایەتیەکان و وەرزش لە خانەقین ئەنجامدەدرێت.