20 شوبات / فه‌برایه‌ر 2013 (گوڵان میدیا)- له‌به‌ر رِۆشنایى ئه‌و برِیاره‌ى وه‌زاره‌تى خوێندنى بالاَو توێژینه‌وه‌ى زانستى داوێتى بۆ كردنه‌وه‌ى خولى زمانى ئینگلیزى بۆ كاندیده‌كانى به‌رنامه‌ى تواناسازى له‌ هه‌رێمى كوردستان له‌ چه‌ند سه‌نته‌رێكى زمان، له‌و چوارچێوه‌یه‌دا له‌ دیوانى وه‌زاره‌تى خوێندنى بالاَو توێژینه‌وه‌ى زانستى، د. عه‌لى سه‌عید وه‌زیرى خوێندنى بالاَو توێژینه‌وه‌ى زانستى رِێكه‌وتنێكى له‌گه‌ڵ د. ئه‌حمه‌د دزه‌یى سه‌رۆكى زانكۆى سه‌لاَحه‌ددین ئیمزا كرد بۆ كردنه‌وه‌ى خولى هاوشێوه‌ له‌ سه‌نته‌رى زمانى زانكۆى سه‌لاَحه‌ددین بۆ (200) كاندیدى به‌رنامه‌ى تواناسازى به‌ئامانجى به‌رزكردنه‌وه‌ى ئاستى زمانى ئینگلیزى ئه‌و كاندیدانه‌.

د. ئه‌حمه‌د دزه‌یى سه‌رۆكى زانكۆى سه‌لاَحه‌ددین رِاگه‌یاند: وه‌ك زانكۆى سه‌لاَحه‌ددین هه‌موو ئاماده‌كارییه‌كمان كردووه‌ بۆ كردنه‌وه‌ى ئه‌و خوله‌ بۆ ئه‌و مه‌به‌سته‌ش رِێكه‌وتنامه‌یه‌كمان له‌گه‌ڵ زانكۆى ( رِیدینگ)ى به‌ریتانى ئیمزا كردووه‌، به‌پێى ئه‌و رِێكه‌وتنامه‌یه‌ ئه‌و زانكۆیه‌ مامۆستاو وانه‌بێژ و به‌رنامه‌ى خوێندن بۆ خوله‌كه‌ ئاماده‌ ده‌كه‌ن، خوله‌كه‌ش له‌ ماوه‌یه‌كى نزیكدا ده‌چێته‌ بوارى جێبه‌جێكردنه‌وه‌ و رِۆژانه‌ وانه‌كان له‌ سه‌نته‌رى زمانى زانكۆى سه‌لاَحه‌ددین به‌رِێوه‌ده‌چێت.