6ی‌ ئازار/ مارس 2013 (گوڵان میدیا)- نادر رۆستی وته‌بێژی ده‌سته‌ی گشتی گه‌شتوگوزاری هه‌رێمی كوردستان به‌ راگه‌یاند: بۆ وه‌رزی خوێندنی ساڵی داهاتوو بۆ یه‌كه‌مجار له‌كوردستان ئاماده‌یی پیشه‌یی گه‌شتوگوزار ده‌كرێته‌وه‌و وه‌زاره‌تی په‌روه‌رده‌ش ره‌زامه‌ندی كردنه‌وه‌ی ئه‌و ئاماده‌یه‌ نیشانداوه‌.

هه‌روه‌ها گوتی: له‌لایه‌ن وه‌زاره‌تی په‌روه‌رده‌ و ده‌سته‌ی گه‌شتوگوزار پێداویستیه‌كانی كردنه‌وه‌ی ئاماده‌ییه‌كه‌ ریكده‌خرێن وه‌ك لایه‌نه‌كانی تیۆری و بابه‌ته‌ بنه‌ره‌تیه‌كان و شوێن له‌ لایه‌نه‌ وه‌زاره‌تی په‌روه‌رده‌ كاری بۆ ده‌كرێت، لایه‌نی كرداری و مه‌یدانی و وانه‌كانی گه‌شتیاری ده‌سته‌ی گه‌شتوگوزار ئاماده‌كاریان بۆ بكات. له‌ قۆناغی یه‌كه‌مدا ئامادییه‌كه‌ له‌ شاری هه‌ولێر ده‌بێ یه‌ك پۆل بۆ به‌شێكی پێویستی گه‌شتیاری ده‌كرێته‌وه‌.