ل بهلگرادێ چالاكیێن شاندێ كوردستانێ دهستپێكرن
د پهیڤا خۆدا سهرۆكێ پهرلهمانێ سربستانێ نێبۆشا ستیڤانۆڤیچ، ئاماژهدا گرنگیا كاراكرنا پهیوهندیان دگهل ههموو گهل و مللهتێن جیهانێ و پێكگۆهارتنا كلتوور و رهوشهنبیری و هونهری و فۆلكلووری، ڤهكرنا دهرگههێن وهلاتێ خو ل بهر جۆرهییا رهوشهنبیریان پشكهكا دیا پهیڤا وی بو.
د دوڤدا بالیوزێ عیراقێ ل سربیستانێ ب ناڤێ خو و دهستهیا بالیۆزخانێ دهستخۆشی ل وهلاتێ سربیستانێ كر، بۆ خۆشكرنا زهمینا بجهـ ئینانا ڤێ چالاكیێ، نهخاسم د ئهڤ سالهدا بۆ ئێكهم جار شاندهكێ رهوشهنبیری و هونهری یێ ههرێما كوردستانێ، تێدا پشكداره و خۆشحالیا خو ب بهرنامێ ههفتییا رهوشهنبیری دیاركر كو یێ جۆراوجۆره و پره ژ برگهیێن هێژا و گرنگ.
پاشان بالیۆزێ عیراقێ دیاریهك و دوو كریستالێن تایبهت ئێكێ عیراقێ ئێك ژی یێ ههرێما كوردستانێ كو شاندێ دهۆك ئامادهكربوو و دهربرین ژ كهرنهڤالا دهۆك دكر، پێشكێشی سهرۆكێ پهرلهمانێ سربی كرن، د دووڤدا تیپا دهۆك پشتی بهلاڤكرنا ژمارهكا ئالایێن كوردستانێ و كۆلاڤێن كلتووری یێن نهخشاندی ب ئالایێ كوردستانێ، ب چهندین كهڤالێن جوان و شاهیێن مللی ئاههنگ دهستپێكر و تابلۆیێن كلتووری یێن جوان پێشكێشكرن، ههتا دوورترین رادده سهرنجا جهماوهرێ ئامادهبۆیی د هۆلێ ڤه كێشا و پاش دۆرێن دههـ كچ و كۆرێن كوردستانێ نیشادانهكا جل و بهرگێن كوردی یێن گشت دهڤهرێن ههرێمێ، ب سهرپهرشتیا رێڤهبهرێ كهلهپۆرێ كوردی ل سلێمانیێ ئیبراهیم ئهحمهد هاته نیشادان و بۆنه جهێ چهپلهلێدان و دهستخۆشییا جهماوهرێ بهرههڤبۆیی.
ئهڤ چالاكییه ل 1 تشرینا ئێكێ/ ئۆكتۆبهر 2013، ل هۆلا شانۆیا یوگوسلاڤی یا دێرین ل بهلگرادا پایتهختا سربستان، برێڤهچو.
