داود ئۆغڵو: كەس ناتوانىَ توركیا وەك بەرپرسى پێشهاتەكانى سووریا پێشان بدا
بەپێى ئاژانسەكە لە كۆبوونەوەكەى دوێنێ دا داود ئۆغڵو بە ساڵحى ڕاگەیاند، كەس ناتوانىَ توركیا وەك بەرپرسى پێشهاتەكانى سووریا پێشان بدا و لێدوانى هاوشێوەى ئەم دوایییەى بەرپرسانى ئێران ڕەت دەكەینەوە.
وەزیرى دەرەوەى ئێرانیش ئاماژەى دا، پێویستە لێدوانە ڕەسمییەكان لەلایەن توركیاوە بەهەند وەربگرێ و پەیامەكانتان دەگەیەنم بەبەڕێوەبەرایەتیی ئێران.
لە كۆبوونەوەكەدا كە پرسى سووریا جێگەى باس بوو، هەردوولا هاوڕا بوون لەوەى دۆخى ئەو وڵاتە بەرەو خراپتر دەچێ و پێویستە كۆتا بەڕشتنى خوێن بهێنرێ.
ساڵحى دووبارە داواى هاوكارى لە توركیا كرد بۆ ئازادكردنى ئەو 48 سەرلێدەرەى لە سووریا هاتبوونە گرتن و داود ئۆغڵو لە وەڵامدا ئاماژەى دا، لەم لایەنەوە توركیا كەمتەرخەم نابێ و ئەوەى لە دەستى بێ ئەنجامى دەدا، ئەمە بەپێى هەمان سەرچاوە.
ئاكانیوز