باراك ئۆباما، سەرۆكی ولایەتە یەكگرتووەكانی ئەمریكا وتارێكی لە نەتەوە یەكگرتووەكان پێشكەشكرد و رایگەیاند، هەواڵە خۆشەكان ئەوەن حكومەتێكی گشتگیر لە بەغدا دروستبووە و دراوسێكانی هاوكاری دەكەن. گوتیشی ئەمریکا هەرگیز شەڕی ئیسلام ناکات و ئیسلام دینی ئاشتییە و ئاشتی بڵاودەکاتەوە.

ئۆباما لە وتارەكەیدا رایگەیاند زیاتر لە 40 وڵات پشتیوانی خۆیان بۆ شەڕی داعش دەربڕیوە و دەبێ لەناوببرێت. هەروەها گوتی شەڕی داعش "شتێكی نوێ نییە بۆمان و داواشی لە هەموو وڵاتان كرد بەشداری شەڕی داعش بکەن ، "چونکە داهاتوو بۆ ئەوانەیە کە بنیاتدەنێن نەک دەیڕووخێنن.

ئۆباما لە بەشێكی دیكەی وتارەكەیدا گوتی تووندوتیژی مەزهەبی جیهانی تەنیوە، باسی لەوەشكرد كە كۆمەڵگەی نێودەوڵەتی شكستی هێناوە لە بەرقەراركردنی ئاشتی لە جیهاندا. سەرۆكی ئەمریكا جەختیشیكردەوە نابێت هیچ نەتەوەیەك لەژێردەستی نەتەوەیەكی دیكەدابێت.






رووداو