ماكیاژەكان شێوازەكانیان بەرەو گۆڕانكاری دەچێ، لەگەڵ ئەوەی هەنگاوەكانیان كار ئاسانی بۆ دەكرێ، كەچی لەلای خانمانەوە پێویستی بە ماندوو بوون دەبێ، لەمۆدەكانی ماكیاژدا، تایبەتمەندی و كراوەیی رۆڵێكی بەرچاو دەبینێ لەدانانی رەنگ و شێواز و ستایلی ماكیاژەكە، بۆیە دەكرێ سوودیان لێوە ببینین كاتێك مۆدەیەك لەماكیاژێكی لەم جۆرە ئەنجام دەدەیت. لێرەدا باس لەدوو لایەن دەكەین، یەكێكیان رەنگی پشت چاوەكانە، ئەوەی دیكەش رەنگی لێوە.
سەبارەت بە رەنگی پشت چاوەكان، دەكرێ رەنگی پشت چاوەكان لەگەڵ رەنگی دەوروپشتی چاو هاوڕەنگ بێ، لێرەدا دەبێ رەنگێكی سادە و رەنگێكی تۆخ نەبێ، لەوانە رەنگی (رەساسی) كە شێوازێكی شایستە و بەرچاو لەخۆ دەگرێ، لەگەڵ بوونی رەنگێكی سپی بۆ بە بریقە كردنی رەنگی پشت چاو شێوەیەكی سەرنجڕاكێش دەبەخشێ، هەروەها بۆ رەنگی لێوت دەكرێ رەنگێكی سادە دابنێی كە لەگەڵ ماكیاژەكەدا گونجاو بێ، لێرەدا سوود وەربگرە لەرەنگی پەمەیی سادە، كە جوانترین رەنگە بۆ لێو، لەگەڵ دانانی بۆیەی بریقەدار كردن، كە لێوت بە بریقە بكات، ئەمەش واتای جوانی ماكیاژێكی رازاوە دەبێ.