رووداوە سەیرەكان كاریگەری زۆریان هەیە لەسەر مرۆڤ، بەتایبەت ئەوانەی سەیر و سەمەرەن و دەبنە مایەی پێكەنین و سەرسوڕمان، وەك ئەوەی لە راگەیاندن وتەیەك هەیە كە دەڵێ: ئەوە گرنگە كە پیاوێک گاز لە سەگێك بدات، نەوەك سەگێك گاز لە پیاوێك بدات، لێرەشدا ئەو وێنەیە هەمان مانا دەبەخشێ، كە هەردەم بینیومانە گوێدرێژ عارەبانە رادەكێشێ و مرۆڤ لەسەر عارەبانەوە دەبێ، كەچی وادیارە ئاخیر زەمانە و ژیان پێچەوانە بۆتەوە، كە گوێدرێژ لەسەر عارەبانە درێژ بووە و خاوەنەكەشی عارەبانەكە رادەكێشێ.
