دیمەنێكی جوانە كاتێك خانمێكی كورد دەبینین، شانازی بە جوانی كوردانەی خۆی دەكات، ئینجا بە هەر شێوەیەك بێ بۆ گوزارشت كردنی ناخی كوردانەی خۆی بە جلوبەرگ یان بە كەرەستە و ئێكسسواری كە مانای كورد ببەخشێ، چەندین لایەن هەن كە گرنگی كورد لە بواری جوانكاری دەردەخەن، لەوانە: كراسی كوردی – ئێكسسواری دەست و شێوەی ئاڵای كوردستان لەسەر سینگ – رەفتەی شێوە و لەسەر هێمای رەنگەكانی ئاڵای كوردستان – ملوانكە و كەرەستەی بچووك كە لە جلوبەرگ دەخرێت، ئەم هۆكارانەش دیمەنێكی جوان بە جەستەی خانمان دەدات و هێما و جوانییەكی كوردانە بە جەستە و ئێكسسوارەكان دەبەخشێ، مەرج نییە تەنیا لە بۆنە و شوێنە تایبەتەكان بێ، دەكرێ ئەو لایەنانەی جوانی كوردستان و خانمانی كورد دەردەخەن بە بەردەوامی و رۆژانە لەبەر بكرێن، یەكێك لە جوانترین ئەو ئێكسسوارانە بریتییە لە ملوانكە كە لەسەر نەخشی كوردستان دروستكراوە و لە مل دەخرێ یان لە رەنگەكانی ئاڵای كوردستانە و لەسەر جەستەی خانمان هێمای شانازی و گوزارشتە لە جوانی كوردستان.