له‌ درێژه‌ى نمایشه‌كانى وه‌رزى هه‌ولێری شانۆیی به‌رِێوه‌به‌رایه‌تى گشتى رۆشنبیری و هونه‌ر- به‌رِێوه‌به‌رایه‌تى شانۆی هه‌ولێر به‌ هاوكارى تیپی نواندنى هه‌ولێر شانۆگه‌رى شه‌ل و كوێر له‌ ئاماده‌كردن و ده‌رهێنانى موئه‌یه‌د فه‌قێ نمایش ده‌كا.

له‌م شانۆگه‌رییه‌دا كه‌ هونه‌رمه‌ندان "گۆڤار ئه‌نوه‌ر، سه‌نگه‌ر حوسێن" رۆڵی سه‌ره‌كى ده‌بینن و شانۆگه‌رییه‌كه‌ به‌ شێوازێكى كۆمیدی ئامێز باس له‌ چه‌ندین كێشه‌ى ئه‌مرِۆی كۆمه‌ڵگاى كوردی ده‌كا.

له‌ لێدوانێكیدا گۆڤار ئه‌نوه‌رى هونه‌رمه‌ند وتى"له‌م شانۆگه‌رییه‌دا هه‌وڵمانداوه‌ به‌ شێوازێكى زۆر باش و جدی ئیش له‌سه‌ر كێشه‌كان بكه‌ین و به‌شێوازه‌ په‌یامداره‌كه‌ى كۆمیدیا بیخه‌ینه‌رِوو".

گۆڤار وتیشی"ئه‌م شانۆگه‌رییه‌ ماوه‌ى 3 رۆژ نمایش ده‌كرێ و به‌هیواین بینه‌ران بێن بۆ بینینى ئه‌و كاره‌ كۆمیدییه‌".

شایانى باسه‌ ئه‌م شانۆگه‌رییه‌ له‌ كاتژمێر 4ى ئێواره‌ى رۆژانى سێشه‌ممه‌ 14و15و16/12/2010 له‌ هۆڵی گه‌لى شارى هه‌ولێر نمایش ده‌كرێ.