ئەگەر چی ماوەی چەند ڕۆژێكە هەواڵی جیابوونەوەی ئەستێرەی جیهانی (جنێفەر لۆپێز) و (ئەلێكس رۆدریجێز) لە ڕۆژنامەو میدیاكان بڵاوبۆوتەوە, بەڵام دواجار ئەم دوو ناودارە ڕوونكردنەوەیكی هاوبەشیان بڵاوكردەوە كە تێیدا ئاماژەیان پێدا ئەوان جیانەبوونەتەوەو هێشتا هەر بە یەكەوەن, هەروەها سەرچاوەیەكی نزیك لە ئەم دوو هاوژینە ڕایگەیاند كە ئەوان بەشێوەیەكی فەرمی جیانەبوونەتەوەو لەسەر ئەو بابەتە قسەیان كردووە, وە سەرەڕای سەختییەكان بەڵام توانیان هەر بەیەكەوە بمێنن .

هەروەها ئەم سەرچاوەیە ئەوەشی ڕاگەیاند كە جەیلۆ لە كۆماری دۆمینیكان كار دەكات و هاوژینەكەشی لە میامی, كە بوونی كەرەنتین بەهۆی پەتای كۆرۆنا و كەمی گەشتەكان وای كردووە كە نەتوانن یەكتر ببینن, سەبارەت بە پەیوەندی سۆزداری نێوان ئەلێكس و (مادیسۆن لیكرۆی), ئەم سەرچاوەیە ئەوەشی دووپات كردەوە كە ئەوەی لە مانگی ڕابردوو بڵاوكرایەوە لەسەر پەیوەندی ئەلێكس و مادیسۆن هیچ كاریگەری نەبووە .