وه‌زیرێكی عێراقی تووشی كۆرۆنا بوو
سه‌رچاوه‌یه‌كی پزیشكیی ئاگادار، كه نه‌یویست ئاماژه به ناوی بكرێت، به ئاژانسی فرانس پرێسی راگه‌یاند، ئه‌نجامی پشكنینه‌كان تووشبوونی عه‌دنان درجال، وه‌زیری وه‌رزش و لاوانی عێراقیی به په‌تای كۆرۆنا پشتڕاست كردووه‌ته‌وه و ئێستا ته‌ندروستییه‌كه‌ی جێگیره.
هه‌روه‌ها گوتی: درجال كه ته‌مه‌نی 62 ساڵه، بۆ ماوه‌یه‌ك چاره‌سه‌ری پزیشكی وه‌رده‌گرێت و پێشبینی ده‌كرێت له وه‌رگرتنی چاره‌سه‌ری بۆ ماوه‌ی 3 رۆژ به‌رده‌وام بێت، دواتر ئه‌گه‌ر تیمه پزیشكییه‌كان له سووكی حاڵه‌ته‌كه‌ی دڵنیا بوونه‌وه، ده‌گه‌ڕێته‌وه سه‌ر كاره‌كه‌ی.
دوای بڵاوبوونه‌وه‌ی ئه‌و هه‌واڵه‌ش، عه‌دنان درجال له هه‌ژماری تایبه‌تی خۆی له تۆڕی تویته‌ر سوپاس و پێزانینی خۆی بۆ هه‌موو ئه‌و كه‌سانه راگه‌یاند، كه له دۆخی ته‌ندروستی ئه‌ویان پرسیوه.
K24 -
