كۆدەنگیی و كۆبونەوەی هێز و لایەنە سیاسیەكانی گۆرەپانی هەرێمی كوردستان، لەگەڵ جەنابی سەرۆك مەسعود بارزانی، لە ڕۆژی7 ی حوزەیرانی2017دا، بەڵگەیەكی زیندووە كە جیاوازی بیروڕای سیاسی، هەرگیز ناتوانێت پاشەكشێ بە فیكری سەربەخۆیی ئەو خەباتگێرانە بكات كە ئێستا و ڕابردوویان بۆ ئەو ئامانجە پیرۆزە تەرخان كردووە، هەروەها سەلماندی كە هیچ پاساوێك ناتوانێت ببێتە ڕێگر لەبەردەم گشتپرسی كوردستان.
سەرەرای ئەوەی كە لە كۆبونەوەی گشت لایەن و حیزبە سیاسییەكانی ناوەی پارڵمان و حكومەت ئەوە دوو پاتكرایەوە كە ئیتر ناتوانرێت لە گەڵ حكومەتی عێراقی درێژە بە ئەو حكومەتە فیدرالییەوە بدرێت لە بەر ئەوەی كە بە هەموو شێوەیەك كورد پەراوێز خراوە و لە هەموو دەرفەتەك لە هەوڵی ئەوە دابوونە كە گوشار بخرێتە سەر كوردستان و ئیتر دەرفەتەك بۆ ئەوە نەماوە كە بە یەكەوە بمێننەوە و باشترین هەڵبژاردەش ئەوەیە كە بە شێوەیەكی ئاشتیانە ئەو درفەتە بقۆزنەوە بۆ ئەوەی لە رێگەی دیاڵۆگەوە لە یەك جیا ببینەوە و لە بری ئەوەی كە بە شێوەیەكی خەراب لە گەڵ یەك هەڵسوكەوت بكەین وەكوو دو جیرانی باش لە بەرقەرار كردنی ئاشتی لە ناوچەكە تێبكۆشن چوون لە سایەی حوكمرانی كوردیدا لە هەموو كاتدا كوردستان شوێنی پێكەوە ژیان و ئاشتی و ئارامی بووە و هیچ كات هەرەشە بۆ ووڵاتانی دراوسێ‌ نەبووە.
هەربۆیەش ،دوای ڕیفراندۆم ماوەی ساڵێك دەرفەتە بۆگفتوگۆ لەگەڵ حكومەتی عێراق بۆئەوەی باوەڕیان بێت و باوەڕ بە دەڵەتی نوێ بێنن كە دەوڵەتی كوردستانە، هەروەها گفتوگۆ لەگەڵ وڵاتانی دەوروبەردەكرێت هەروەك چۆن ئێستا گفتوگۆ لەگەڵ یەكێتی ئەوروپاو وڵاتانی ڕۆژئاوادەكرێت