نیشتیمان پیرۆز ترین و خوشترین جهە بو ئاکنجیونا هەرتاکەکی کو ئازاد بژیت ، چ تشت نینە ل نیشتمان و خاکو وەڵاتێ مروڤی شرینتربیت ، چ سوز و حەژێکرن ناگەهنە حەژێکرن و ڤیانا نیشتمانی ، نیشتیمان تێکهەڵی خوین و بیر و سوز و هزرێن مەبویە ، نیشتیمان ناسنامامەیە ، شانازیامەیە ، ژیانامەیە ، شەرەف و کەرامەتامەیە .
٭هەر کەسەکی یان هەر رێبازەکا نیشتیمانێ خو خوش بڤێت و پارێزیت دڤێت نیشتیمان پەروەری تێدا هاتبیتە ئاڤاکرن ، ئەڤ سفەت و بنەمایا پیروز و شرین ل کوردستانێ دناڤا رێبازا پیروزا پارتی و بارزانی رەنگڤەدانەکە جوان و پێناسەیەکا دی یا سروشتی دایە نیشتیمانی کو هەر تاکەکێ لسەر ڤێ رێبازێ هاتبیتە پەروەردەکرن پێشەکی هەستەکا نیشتیمانپەروەری و جۆان ددلی داهاتیە ئاڤاکرن کو بزانن نیشتیمان تنێ ناڤەک نیە کو لسەر زمانی بهێتە گوتن بەلکو نیشتیمان وەڵاتە ، ژیانە ، ئاڤ ۆ ئاڤەدانیە ، دەشت و دوڵ و چیایە ، ماڵ و گوند و باژێڕ و خزم ۆ کەسو کارێن مەیە ، ... هتد .
رێبازا پیروزا پارتی و بارزانی ئەم فێرکرینە کو راستە خۆینامە ، گیانێمە ، ژین و ژیانامە ، ب بهانە بەلێ دڤێت بزانین ژڤانە هەمیان ب بهاتر گرنگتر و خوشتڤی تر و شرینتر نیشتیمان و نیشتیمان پەروەریە ، ڤێ رێبازا پیروز ئەم فێرە ڤێ چەندێ کرینە کو مەزنترین و نەمرترین بەرخودان ، خوبەختکرن و خو گوری کرنە د پێخەمەت نیشتیمان و خاک وەڵاتێ خو .
بابێ روحیێ نەتەوا کورد (مستەفا بارزانی) دبێژیت: ئەگەر حەژێکرنا نیشتیمانی تاوان بیت ئەز ئێکەم تاوانبارێ جیهانێ مە .
هەروەها بابێ روحی و خودانێ رێبازا پیروز دبێژیت :ئەگەر کوردایەتی و نیشتیمانپەروەری یە گرانە ، بەس خیانەت نەکرن ساناهیە .
هەروەها سەروک مەسعود بارزانی دبێژیت :دێ مرنێ هەلبژێرین و ناهێلین وەڵات و نیشتیمانێ مە بهێتە بندەستکرن و کەرامەتامە بشکێت .
ئەڤ بنەمایە و سیفەتا جوان یا رێبازا پیروزا پارتی و بارزانی بویە دەسکەفتەکا زێرین د مێژوویا کوردایەتیێ دا و کودەکا ڤەشارتی یا سەرکەفتنێن ئێک لدیف ئێکێ یا ڤێ رێبازا پیروزن د بزاڤا رزگاریخوازا کوردیدا ، ڤێ رێبازا پیرۆز نیشتیماپەروەری دەسپێکا هەمی کاران کریە عەقیدەکا بهێز و کارلسەر کریە و خوگوری کرن و شورەش کرینە و قوربانی داینە هەتا گەهشتینە ئەڤرو کو ئەم ژی بشێین وەک هەمی گەلێن دونیایێ د ناڤ نیشتیمان و وەڵاتێ خودا سەربەست و ئازاد بژین ، ڤێجا یا پێتفیە لسەر هەرتاکەکێ کورد نیشتیمانپەروەریێ بکەینە فەرهەنگا سەرکەفتنێ و عەقیدەکا بهێز بو ئاڤاکرن و ئاڤدانا هەستا بەرەڤانیێ و نیشتیمانیێ .
هەرکەسەک نیشتیمانپەروەر بییت دڤێت دناخێ وی دا ئازادی بهاتر بیت ل پاریەکی نانی ، چنکی ئەگەر مروڤ د نشتیمانێ خودابیت و ئازاد وسەرفرازبیت دێ پاریەکی نانی دەست مروڤی کەڤیت و دێ ئازاد ژی بیت ، لێ یا گرنگ و پێتڤی ئەوە هەرتاکەک هەست ب بەرپرسیارەتیا گشتی یا نەتەوایەتی بکەت بو ئاڤاکرنا پاشە روژەکا گەش و پاراستنا شوناسا خاک و وەڵاتێ خۆ .