ئەگەر سەیری زۆر بەی وەڵاتە پێشکەوتوەکانی جیهان بکەین دەبینین خوپیشاندان بە موڵەت وەرگرتن دەکرێت و دور لە ئاژاوەگێری بەڕێوە دەچێت بو ئەوەی گەل بەشێوەیێکی ئازادانە بتوانێت داوای مافی خویان بکەن لەبەرامبەر حکومەت،دواتر بە درۆشم و گوتاری جوان مافی ڕەوای خەڵک ناڕازایەتی بەشێوەیێکی هێمن و دور لە توندوتیژی دەردەبڕن ئەوەی دەیانەوێت بلێن لە بەرامبەر حکومەت بە شێوەیێکی مەدەنیانە پەیام و قسەی خویان بەشێوەی پوستەر دەگەیێنن،هەروەها ماوەی خوپیشاندان و ناڕەزایەتیش دیار دەکرێت کە چەند کاتژمێر یان چەند خوڵەکە.
لە کوردستان و بەتایبەتی لە سنوری سلێمانی ئەوشتە پێچەوانەیە،زوربەی جارەکان خوپیشاندان و ناڕەزایەتی دەربرین ئاڕاستەکراو و پیڵانگێری دەردەچن مافی خەلک زیاتر بن پێدەکرێت و خەلکیش باجی لێکەوتەکانی ئاڵوزی و پیڵانگێریەکان دەدەن دەبێتە هوی کوشتن و بریندارکردنی خەلک،ئەوەی لەسنوری سلێمانی کومەلێک پیڵانگێری بەیەکەوە بەستراو بۆن بو دژایەتی کردن و دروستکردنی ئاژاوە و کاری تێکدەرانە خوپیشاندانیان ڕێکخستبۆ، هەروەها ئامادەکاری پێشوەختەیان بو کردبو لایەنی دەرەکی و نێوخوی جاشسیغە و خاکفروشان بەهەما هەنگی پەکەکە و شیعەو ئێران خەلکی بیانی کاریان لەسەر کردبو بو زیاتر بێهێزکردنی هەرێمی کوردستان و ڕوخاندنی حکومەت و هەڵوەشاندنەوەی قەوارەی هەرێمی کوردستان ، ئەوەی ڕویدا هیچ مەبەستێکی مەدەنیانەو ئازادانە و داوای ماف وەرگرتنی خەلک نەبو،بەڵکو زیاتر بو تێکدان وهەڵوەشاندنەوەی حکومەت و لەناوبردنی بینای حکومی و شەهید کردنی کوری خەلکو سوتاندنی جەرگی چەند دایک و باوکی تر بو ، ئەم جورە خوپیشاندانانە بو دروستکردنی پشێوی و ئاڵوزی و دوبەرەکی و ناتەبای و تێکدانی شیرازەی کومەڵایەتی بوون.
هاوڵاتیانی هەرێمی کوردستان ئەرکی سەرشانیانە شانبەشانی حکومەت هەولی پاراستی خاک و نیشتیمانەکەیان بدەن، دەبێت هەمیشە ئەوەیان لەبیربێت و بزانن کە ئەم نیشتیمانە بەخوێنی هزارەها شەهید و بریندار ئازادکراوە لەژێردەستی و داگیرکەری ،نابێت هاوڵاتیان بێ گوێدانە بنەماکانی پارستنی وەڵات بەفیتی داگیرکەران ئەم ئەزمونە سەرکەوتوەی هەرێم لەبار ببەن، خەلک دەبێت لێزان بیرتیژ و دور لە ئیرهابی فکری بیربکاتەوە کە پاراستنی کوردستان فەرزێکی سروشتیە و قوربانی زوری لە پێناۆ دراوە.

حکومەتی هەرێمی کوردستان زوور بەجوانی مامەلەی لەگەل ئەم دۆخە نەخوازراوە کرد و بەجوانی دۆخەکەی خوێندەوە ، سەرۆک وەزیران لەڕێگەی کۆنفرانسێکی ڕوژنامەوانیەوە پالپشتی خوی بو مافی خەلک دووپاتکرەوە و ڕایگەیاند کە "حکومەت لەبەرەی گەل دەبێت بو زامنکردنی مافەکانیان"
دلنیایش دا خەلکی کوردستان کە ئەم دوخە بەشێوەیێکی زور باشتر لە سودی هاولاتیان باشتر دەکرێت ،هەروەها هەموو ئەو پیڵانگێری و شتە نەخوازراوانەی بو خەلک ڕونکردەوە کە ڕویاندابو،ئەمە بویە جێگای ئومێدی هاوڵاتیان.

پیڵانگێڕەکان و دوژمنە نێوخویەکان وەک ئەو گورگانە دەکەن کە خویان لە پێستی مەردا شاردوتەوە، هەرکاتێک زانیان دوخەکە بەسەریان دە تەقێتەوە و پڵانیان ئاشکەرا دەبێت، ئینجا دەکەونە خویان و هەولی بڵاوەپێکردنی خوپیشاندان ئەدەن و داوای دەسگیرکردنی خوپیشاندەر دەکەن بو ئەوەی دوخەکە بەشێوەیێکی تر پێناسەبکەن و دیوێکی تر بەخەلک پیشانبدەن ڕای گشتی بشێوێنن.