لەگەڵ هاوڕێ پێشمەرگەكانت كاكە جەوهەر
حەزم دەكرد چاوەكانم بەدرۆ بخەمەوە؛ كاتێك بۆ یەكەمجار لەسەر شاشەی سەتەلایەتی كوردستان چاوم هەواڵی جەرگبڕی كۆچی دوایی تێكۆشەری گەورە و برای ئازیزم جەوهەر نامیق سالمی خوێندەوە، بەڵام موچڕكە بە گشت گیانمدا هات و خەریك بوو خوێن لەناو دەمارەكانم بمەیێ كاتێك هەواڵەكە چەندین جار دووبارە بۆوە و ئەو كاتە خەم دایگرتم و زانیم پیرۆزباییەكەم كە بەبۆنەی جەژنی نەورۆز بۆیم ناردبوو درەنگ بوو.
یەكەمجار كە ئەم تێكۆشەرو پێشمەرگە ئازایەم ناسی بەناوی نهێنی(سەلیم) بەیاوەریی تێكۆشەر كەریم سنجاری بەناوی نهێنی ( حەسەن) لە ناوەڕاستی ئاداری ساڵی 1976 بوو لەسەر لوتكەی یەكێك لە چیاكانی كوردستان و لەكەشوهەوایەكی سەختدا، بەفر چیا و دۆڵەكانی داپۆشی بوو، یەكەم دیدارمان لە خانوویەكی سادە بوو لە ماڵی دەوارنشینێك بە یەكەوە بووین لەگەڵ ژمارەیەك مەڕ و بزن كە زۆر جار لە رێڕەوی گفتوگۆكانیان دوور دەخستینەوە و حەسانەوەیان بۆ نەدەهێشتین و زۆرجار لە خەویشیان بێبەش دەكردین.
گفتوگۆكانمان بە پلەی یەك دەربارەی كاریگەری و رەنگدانەوەكانی نسكۆی شۆڕشی ئەیلولی مەزن و ئاسۆكانی دواڕۆژی بزووتنەوەی رزگاریخوازی بەشێوەیەكی گشت و گۆڕەپانی، نایشارمەوە كە زۆر جار گفتوگۆو شیكردنەوەكانمان دەربارەی هەندێك خاڵ و تەوەر یەكلاكەرەوە و دەنگی بەرز بوو، بەڵام بە گفتوگۆی جددی كە لە بەرپرسیاریەتی نەتەوەییەوە هەڵقوڵا بێت، هەروەها لە نیوەی رێگا و دوور لە هەر وردەكارییەكی دیكە، ئێستا دوای ئەوەی كە بەڕێزیان جێیهێشتووین، من ئەو چوار رۆژ و شەوەی كە بە یەكەوە بەسەرمان برد بە خۆشترین و جوانترین بڕگەكانی مێژووی ژیانی خۆمی دەزانم .
خوالێخۆشبووم وەك تێكۆشەرێكی بەهێز و كۆڵنەدەر ناسیوە بە جلوبەرگ و پایە و ئەو بارودۆخانەی كە بەدرێژایی قۆناغەكانی شۆڕشی گوڵان هەبوون، چونكە پیاوی ئەركە قورسەكان بوو لە ژیانی خەباتی چەكداری و خاوەن هەڵوێستی مەبدەئی و جەریئانە بوو لە خەباتی سیاسی خۆیدا وەك یەكەم سەرۆكی پەرلەمان دوای راپەرین.
لەگەڵ خوالێخۆشبوو چەندین نامەمان گۆڕییەوە بەناوی نهێنی خۆم (وەلید) وەك سكرتێری پارتی دیموكراتی كورد لە سوریا (پارتی) و لە قامیشلۆ و دیمەشق دیدارەكانمان دووبارە بۆوە و لە پێشەنگی ئەو كەسانە بوو كە لە هەولێر پێشوازییان لێكردم لە سەرەتاكانی مانگی تەمموزی 2001 و پەیوەندی برایەتی و خێزانی و خەباتی هاوبەشمان كە پەیوەست بوو لە ئێستای باشووری كوردستان و دواڕۆژ و ئاسۆی بزووتنەوەی رزگاریخوازی كوردستان لە بەشەكانی دیكەی كوردستان و میكانیزمی مامەڵە كردن لەگەڵ لایەنەكانی.
بۆ ئەوەی مێژوو بە چەواشەیی نەنووسرێتەوە و بۆ ئەوەی ( ئەوەی بۆ قەیسەرە بۆ قەیسەر و ئەوەی بۆ خوایە بۆ خوا) بێت و بە هەموو پێوەرە نەتەوەیی و نیشتمانییەكان ئەوا پارتی دیموكراتی كوردستان یەكێك لە سەركردە گەورەكان و لەگەڵ ئەمانەش جەماوەری كوردستان تێكۆشەرێكی خۆی لە دەست دا كە چەندین ساڵی تەمەنی خۆی بۆ خزمەت كردنی كوردو كوردستان تەرخان كردبوو و لەسەر ئاستی كەسیش برا و دۆست و هاوڕێیەكی تێكۆشەرم لە دەستدا كە شەرەفمەندم چاوم پێیكەوتووە و چەندین ساڵ بەیەكەوە كارمان كردووە و بەشدارییەكی بچووكیشم هەبووە لەگەڵ هاوڕێكانم لە پارتی دیموكراتی كوردی سوریا لەسەر درێژە پێدان و بەردەوامیدان بە شۆڕشی گوڵانی ئازادیخواز.
نەمری بۆ شەهیدی كورد و كوردستان كاك سەلیم
سەبر و سەلوان بۆ هاوڕێ تێكۆشەرەكانی و پێشمەرگە قارەمانەكان كەبەشدارییان لە شەڕەكاندا كرد لەگەڵی
پرسە و سەرەخۆشی گەرممان بۆ خانەوادەی سەربەرزی و برا و كەسوكاری

*سكرتێری پێشووتری پارتی دیموكراتی كورد لە سوریا (پارتی)