وتەبێژی وەزارەتی کشتوکاڵی عێراق ئاشکرایکرد، لە دوای بەرزبونەوەی نرخی ھێلکە لە بازارەکانی عێراق دەست دەکرێتەوە بە ھاوردەکردنی ھێلکە ئەوەش لە پێناو رێگریکردن لە بەرزبونەوەی نرخەکەی و پرکردنەوەی پێداویستی ناوخۆ، وەزارەتی کشتوکاڵی عێراق ئاشکراشیکردووە، ھاوردەکردنی ھێلکە کاریگەری نابێت لەسەر بەرھەمی ناوخۆ بەڵکو وەزارەتی کشتوکاڵ گرنگی زیاتر بە کیڵگە پەلەوەرییەکان دەدات تا لە داھاتوودا بەرھەمی ناوخۆ زیاد بێتەوە و بگاتە خود بژێوی
لەلایەكی دیكەوە نرخی هێلكە لەبازاڕەكانی كوردستانیش بەرزبووەتەوە، چاوەڕوان دەكرێت لەگەڵ هێنانی بەرهەمی هێلكە لەدەرەوەی وڵات نرخی هێلكە لەبازارەكانی كوردستانیش دابەزێت.