یــادگــار مـەحـمـوود : بردنەوەی(33) كورسی لەلایەن پارتییەوە پێویستی كوردستانیانە بە سەرۆك بارزانی
![یــادگــار مـەحـمـوود : بردنەوەی(33) كورسی لەلایەن پارتییەوە پێویستی كوردستانیانە بە سەرۆك بارزانی](https://www.gulanmedia.com/public/images/posts/20211101175006_original_15.webp )
یادگار مەحموود كاندیدی دەرچووی پارتی دیموكراتی كوردستان لە سلێمانی بۆ پەرلەمانی عێراق ئاماژەی بەوە كرد كە سەركەوتنی پارتی دیموكراتی كوردستان وەكو براوەی یەكەمی هەڵبژاردنی پێش وەختەی پەرلەمانی عێراق و بەدەستهێنانی 33 كورسی ، دووپاتكردنەوەی پێویستیی كوردستانیانە بە سەرۆك بارزانی لە پارێزگاریكردنی مافە نەتەوەیی و نیشتمانییەكان.
ئەو لە میانی دیدارێكی تایبەتدا بۆ گۆڤاری(گوڵان) سەبارەت بە سلێمانی و پێگەی ئەو شارە دەڵێت: سلێمانی شاری هەڵمەت و قوربانییە و لە پێش ڕیفراندۆم و لە كاتی ڕیفراندۆمیشدا ئەو پێگە نەتەوەیی و نیشتمانپەروەرییەی خۆی لە دەست نەداوە و، ئەو سیاسەت و هێڵ و ستراتیژییە نەتەوەییەی خودی سەرۆك بارزانی لە سیاسەت و مامەڵەی لەسەر ئاستی ئەو پەیوەندییەی هەیبوو لەگەڵ هزر و بیری نەتەوەیی سلێمانییەكان یەك دەگرێتەوە..
ئەو كاندیدە ئومێدیش دەخوازێت كە ئەم جارە بە یەكڕیزی بتوانین گەلی كورد سوود لەم دەستكەوتە وەربگرێت، كە كورد دەنگی كورسییەكانی زۆر بووە و دەتوانین بە هاوپەیمانێتییەكی نەتەوەیی حزوورمان لە ناو پەرلەمان و دەسەڵاتی جێبەجێكاریش هەبێت و، لایەنە سیاسییەكان بە هاوشێوەی پارتی دیموكراتی كوردستان بەرپرسیارانە سیاسەت بكەن و، خۆیان لە دروشمی پۆپۆلیستی و موزایەدە و سازشكردن بە دوور بگرن.