دوو خوشک لەلایەن هاوسەرەكانیانەوە کوژران

دوو خوشک لەلایەن هاوسەرەكانیانەوە کوژران

 

پۆلیسی پاکستان شەش کەسی دەستگیرکردووە بەتۆمەتی کوشتنی دوو خوشکی دانیشتووی گوندێکی سەربە  پەنجاب، ئەو دوو خوشکە هاووڵاتیی ئیسپانی بوون.

تاوانبارەکان هاوسەر و خەزوور و مام و برای دوو خوشکە كوژراوەكە بوون.

ئەو دوو خوشکە بە ناوی عروج عەباس 21 ساڵ و ئەنیسە عەباس 23 ساڵ كە بەهۆی ئەوەی ڕەتیان كردووەتەوە هاوسەرەكانیان كەبە زۆرەملێ هاوسەرگیرییان  لەگەڵ كردوون لەگەڵ خۆیان ببەن بۆ ئیسپانیا كوژراون. 

ئەو دوو خوشکە سەرەتا بە سەختی ئەشکەنجە دران و پاشان تەقەیان لێكراوە و كوژراون.

هاوسەرگیری زۆرەملێ لە پاکستاندا زۆر باوە بە تایبەتی لە ناوچە لادێییەکان و پیاوانی ناو خێزان ڕەتی ناکەنەوە کە ئەگەر کچەکانیان گوێڕایەڵی تێڕوانینیان نەبن بکوژن.

 

 

 

گوڵان: سەردار خەلیل

 

Top