تورکیا و ئەرمەنستان ڕێککەوتن سنوورە هاوبەشەکان بۆ هاووڵاتییانی بیانی بکرێتەوە

تورکیا و ئەرمەنستان ڕێککەوتن سنوورە هاوبەشەکان بۆ هاووڵاتییانی بیانی بکرێتەوە

 

 

 

بەرپرسانی تورکیا و ئەرمەنستان ڕێککەوتن بەزووترین کات سنوورە  وشکانییەكانی نێوان ئەو دوو وڵاتە بۆ هاووڵاتییانی وڵاتانی دیکە بکرێتەوە.

وەزارەتی دەرەوەی تورکیا ئێوارەی ڕۆژی ( هەینی ) ڕایگەیاند: کە نوێنەرانی تایبەتی ئەم وڵاتە و ئەرمەنستان هاوڕان لەسەر ئەوەی كە هەرچی زووە سنوورە وشکانییەکانی نێوان هەردوو وڵات بەڕووی هاووڵاتییانی بیانی بكرێتەوە.

بەپێی ڕاگەیاندنی ئەو وەزارەتە، لە کۆبوونەوەی دوێنێی نوێنەرانی تایبەت بە تورکیا و ئەرمەنستان لە چوارچێوەی پرۆسەی ئاساییکردنەوەی پەیوەندیی دووقۆڵی، هەروەها ڕێککەوتن لەسەر ئەوەی كە بەزووترین کات گواستنەوەی ئاسمانیی بازرگانی ڕاستەوخۆ لەنێوان ئەنقەرە و یەریڤاندا دەست پێ بکات.

شایەنی باسە، کە نوێنەرانی تایبەتی تورکیا و ئەرمەنستان بۆ یەکەم جار لە ناوەڕاستی مانگی کانوونی دووەمی ئەمساڵ کۆبوونەوە، بۆ ئاساییکردنەوەی پەیوەندییە دووقۆڵییەکان و کۆبوونەوەی ڕۆژی ( هەینی )ش بە چوارەمین کۆبوونەوەی نێوانیان هەژمار دەكرێت.

 

 

گوڵان: سەردار خەلیل

Top