میدیاکانی کوبا بڵاویان کردەوە: كە دووبارە تەقینەوە لە کۆگاكانی نەوتی خاوی  ناسراو بە بنکەی تانکەری « ماتانزاس »، لە باکووری ئەو وڵاتە ڕوویداو بەلایەنی کەم 121 کەس برینداربوون.

بەوپێیەش لە كۆی 8 تانکی ناو بەندەرەکە 4 تانک ئاگریان گرتووە و ئاگرەکە بەردەوامە.

هەروەها دەسەڵاتدارانی  ناوخۆش ڕایانگەیاندووە: كە لەم ڕووداوەدا 17 ئاگرکوژێنەوە لەشوێنی ڕووداوەكە بێسەروشوێن بوون.

وەزیری تەندروستی کوباش لە تەقینەوەكە ولە دۆخی سەختی  بریندارەکان  ئاگادار كراووەتەوە و هاوخەمی و نیگەرانیی خۆی سەبارەت بەم ڕووداوە دەربڕیوە.

جێگای ئاماژەیە، كە پێشووتریش تەقینەوە لە كۆگاكانی نەوتی خاوی كۆبا ڕوویداوە و زیانی گیانی و ماددیشی لێ كەوتووەتەوە.

 

 

 

گوڵان: سەردار خەلیل