پاسەوانی نەتەوەیی تونس ڕایگەیاند: تەرمی ١٢ کۆچبەری نایاسایی دۆزرایەوە کە دوای وەرگەڕانی بەلەمەکەیان لە دەریای ناوەڕاست گیانیان لەدەستداوە.

حوسام ئەلجەبابلی، وتەبێژی پاسەوانی نیشتمانی تونس راگەیاند:  تەرمی 12 کۆچبەری نایاسایی لە ئاودا دەرهێنراون کە لە دوای وەرگەڕانی بەلەمەکەیان لە کەنارەکانی رۆژهەڵاتی ئەو وڵاتە لە دەریای ناوەڕاست گیانیان لەدەستداوە.

ئاماژه‌ی به‌وه‌شكرد: پێنجشه‌ممه‌ی رابردوو به‌له‌مێك كه‌ زیاتر له‌ 35 كۆچبه‌ری نایاسایی هەڵگرتبوو له‌ كه‌ناراوه‌كانی "المه‌هدیه‌" نقوم بووه‌ و هێزه‌ ئه‌منییه‌كان توانیان 14 كه‌سیان له‌ مه‌ترسی خنكان رزگار بكه‌ن.

وڵاتانی باکووری ئەفریقا وەک تونس، لیبیا و مەغریب وەک خاڵی ڕۆیشتن بۆ کۆچبەرانی نایاسایی بەکاردەهێنرێن بۆ گەیشتن بە ئەوروپا بەهۆی نزیکبوونەوەیان لە دەریای ناوەڕاست.

 

 

 

گوڵان:سەردار خەلیل