سەرۆکی حکومەتی هەرێمی کوردستان، بۆ کۆچی دوایی دایکی زیاد رەئوف، نوێنەری حکومەتی هەرێمی کوردستان لە پۆڵەندا، پرسەنامەیەک ئاراستەدەکات.

سەرۆکوەزیران مەسرور بارزانی هاوخەمی خۆی بۆ زیاد رەئوف دەردەبرێت و لە پرسەنامەکەدا هاتووە، " بە داخەوە هەواڵی كۆچی دوایی خوالێخۆشبوو  (ساجیدە خان)ی دایکی بەڕێزتانم بیست. پرسە و سەرەخۆشیتان لێدەکەم و هاوبەشی خەمتانم".

دەقی پرسەنامەکەی سەرۆکی حکومەتی هەرێمی کوردستان

بەڕێز  زیاد ڕەئوف، نوێنەری حکومەتی هەرێمی کوردستان لە پۆڵەندا

بە داخەوە هەواڵی كۆچی دوایی خوالێخۆشبوو  (ساجیدە خان)ی دایکی بەڕێزتانم بیست. پرسە و سەرەخۆشیتان لێدەکەم و هاوبەشی خەمتانم. خوای مەزن گیانی بە بەهەشت شاد بكات و ئارامی و دڵنەواییش بە ئێوە ببەخشێت.

مەسرور بارزانی

سەرۆکی حکومەتی هەرێمی کوردستان