بڵندگۆکانی سامسۆنگ بۆ نۆیەمین ساڵ لەسەریەک لە پلەی یەکەمی فرۆشی جیهانییە
کۆمپانیای سامسۆنگ ئەلیکترۆنیکس وەک پێشەنگ لە بازاڕی دەنگی جیهانیدا ناسێندرا. بەپێی ئەو ئەنجامانەی کە لەلایەن کۆمپانیای "فیوچەر سۆرس کۆنسڵتینگ"ەوە بڵاوکراونەتەوە. لە ڕاپۆرتێکدا کە لە 28ی شوبات بڵاوکراوەتەوە، ئاماژەی بەوە کردووە کە سامسۆنگ بۆ نۆیەمین ساڵ لەسەریەک لە پێشەنگی بازاڕی بڵندگۆکانە، بەو پێیەی پشکێکی 20.2%ی لە کۆی بازاڕەکەی بەدەستهێناوە، و 18.4%ی کۆی قەبارەی فرۆشی پیشەسازییەکەی لە ساڵی ڕابردووی 2022.
دیزاینی بڵندگۆکانی سامسۆنگ، لەنێویاندا کۆمەڵەی Q-series ی نایاب، لەسەر ئەزموونی درێژخایەنی کۆمپانیاکە لەم بوارەدا بنیات دەنرێت، و پەرەپێدانی بەردەوامی بۆ بەدەستهێنانی کوالێتی دەنگی بەهێز و نقومکەر. جگە لەوەش دیزاینە باشکراوەکان لەگەڵ تەلەفزیۆنەکاندا دەگونجێت، و دیزاینی ڕەسەن و سەردەمیانە پێشکەش دەکەن. و ئامێرەکان ڕەزامەندی کڕیاران و ستایشی پسپۆڕانیان بەدەستهێنا، بەهۆی دەوڵەمەدنکردنی بە چەندین تایبەتمەندی، وەک SpaceFit Sound کە یارمەتی ڕێکخستنەوەی دەنگەکان دەدات، تا هاوتا بێت لەگەڵ تایبەتمەندییە دەنگییەکانی هەر شوێنێک، بە مەبەستی پێشکەشکردنی ئەزموونی دەنگی تایبەتمەند.
بڵندگۆکانی سامسۆنگ ئەوەندە سەرنجڕاکێش بوون بۆ شارەزایانی پیشەسازی و هەڵسەنگێنەرانی بەرهەمەکان کە فرۆشگاکانی وەک AVForums ئامێری HW-Q990B یان وەک "باشترین بڵندگۆ لە پۆلەکەیدا" بۆ ساڵی 2022 هەڵبژارد. و گۆڤاری "نیوز ویک" ئاماژەی بەوە کردووە کە ئامێری HW-S800B "دەنگێکی نایاب دەدات و هەموو سوچەکانی ژوورەکە پڕدەکات".
ئەمساڵ سامسۆنگ بەنیازە هێڵی بڵندگۆکانی خۆی بەرەو ئاستێکی دیکە ببات، بە پەرەپێدانی دەنگە کوالێتی سینەماییەکان و دەوڵەمەندکردنیان بە تایبەتمەندییە ناوازەکان بۆ مسۆگەرکردنی ڕەزامەندی بەکارهێنەران و ئارەزومەندانی سینەمای ماڵەوە.
▲ ئامێری HW-Q990C
بڵندگۆی HW-Q990C لە سامسۆنگەوە بە پێشەنگی زنجیرەی Q دادەنرێت، لەگەڵ ڕێکخستنی نایابی کەناڵی (11.1.4) و تەکنەلۆژیای دەنگی دۆلبی ئەتمۆس، لەگەڵ نوێترین ئاستی تایبەتمەندی Q-Symphony 3.0 کە توانای شیکردنەوە و پرۆسێسکردنی کەناڵە دەنگییەکان و بابەتە دەنگییەکانی هەیە, بۆ پێشکەشکردنی دەنگی تەواو هاوتا، بە بەکارهێنانی هەموو بڵندگۆکانی تەلەفزیۆن و سیستەمی دەنگییەکان. هەروەها ئامێرەکە لەگەڵ تایبەتمەندی SpaceFit Sound Pro دێت کە دەنگەکان ڕێکدەخاتەوە بۆ ئەوەی لەگەڵ تایبەتمەندییە دەنگییەکانی هەر شوێنێکدا بگونجێت، هەروەها تایبەتمەندی Game Mode Pro کاردەکات لەسەر باشترکردنی دەنگەکان بەپێی جۆری یارییەکان، ئەمەش یارمەتیدەرە بۆ دڵنیابوون لە ڕاستەقینەی زیاتری دەنگەکانی لەکاتی کارپێکردنی لە ڕێگەی Samsung Gaming Hub.
چیۆلجی کیم، جێگری سەرۆکی جێبەجێکاری بەشی شاشەکان لە سامسۆنگ ئەلیکترۆنیکس، ڕایگەیاند: "لە سامسۆنگ، ئێمە پابەندین بە پێشکەشکردنی ئەزموونێکی پێشەنگانەی کەیفخۆشی لە ماڵەوە بۆ کڕیارەکانمان بۆ دابینکردنی هەمیشەیی پێداویستییەکانیان.".
و بڵندگۆکانمان چارەسەرێکی نمونەیین بۆ تەلەفزیۆنەکانی سامسۆنگ، بەو پێیەی لوتکەی دەنگی سینەمایی بەرجەستە دەکەن، و بە تایبەتمەندی دەنگی زیرەک و پەیوەندی باشکراو دەوڵەمەندکراون.
بەپێی ڕاپۆرتی "فیوچەر سۆرس کۆنسڵتینگ"، بازاڕی جیهانی بڵندگۆکان لە ماوەی سێ ساڵی ڕابردوودا گەشەیەکی بەردەوامی بە ڕێژەی نزیکەی 5.7% تۆمارکردووە، و قەبارەی فرۆشتن لە ساڵی 2022دا گەیشتووەتە 23.16 ملیۆن یەکە و پێشبینی دەکرێت قەبارەی فرۆشتن تا ساڵی 2025 بگاتە 26 ملیۆن یەکە.
