ساڵی ڕابردوو زیاتر لە دوو هەزار کۆچبەری نایاسایی لەلایەن باندە قاچاخچییەکانەوە لە مەکسیک ڕفێندراون.

دەزگای کۆچبەری نیشتمانی مەکسیک لە ڕاپۆرتێکدا ڕایگەیاند، لە ساڵی ٢٠٢٢دا دوو هەزار و ١١٥ کۆچبەری نایاسایی لەلایەن ساختەکاران و باندەکانی ماددە هۆشبەرەکانەوە ڕفێنراون.

بەپێی ئەم ڕاپۆرتە ئەم کەسانە لە نەتەوە جیاوازەکان بوون و هەوڵیان دەدا بگەنە ئەمریکا.

باندەکانی بازرگانیکردن بە مرۆڤەوە ئەو کەسانە دەڕفێنن و پارەیان لێ وەردەگرن کە هەوڵدەدەن لە ڕێگەی مەکسیکەوە بگەنە ئەمریکا.

مەکسیک یەکێکە لە ڕێگا سەرەکییەکانی گواستنەوە بۆ ئەو کۆچبەرە نایاساییانەی کە هەوڵدەدەن لە وڵاتانی دیکەی ئەمریکای ناوەڕاست و باشوورەوە بگەنە ئەمریکا.

 

 

گوڵان: سەردار خەلیل