لە خولی نایابی عێراقی
هەولێر لە نەفتی بەسرەی بردەوە
كارزان كانەبی
ئێوارەی ئەمڕۆ لە شاری بەسرا لە باشوری عێراق لە سەر یاریگای فەیحا هەردوو یانەی هەولێر و نەفتی بەسرە رووبەڕووی یەكتری بوونەوە، لەم یارییەشدا لە تایمی یەكەم یانەی نەفتی خاوەن یاریگا توانی ئاستێكی باشتر لە هەولێر پێشكەش بكات و تاكە گۆلێك لە خولەكی 29لەرێگەی یاریزان باتریك تۆماربكات و ئەم تایمە بەم گۆلە لە بەرژەوەندی تیپی خاون یاریگا كۆتایی هات، لە تایمی دووەمی یارییەكە هەولێرییەكان كەوتنە خۆیان و توانیان بە درێژایی ماوەی یارییەكە ئاستێكی بەرز پێشكەش بكەن لە یارییەكە و ریمۆنتادا لە یارییەكە تۆماربكەن و سێ‌ گۆڵی یەك لە سەر یەكیان لە رێگەی یاریزانان عەلی شاخەوان و جاسم محەمەد و شیركۆ كەریم لە خولەكەكانی 61و75و78 تۆماربكەن و ئەم ئەنجامەش یارییەكە لە بەرژەوەندی خۆیان بە كۆتایی بهێنن و سێ‌ خاڵی گرنگ بەدەست بهێنن، هەفتەی ڕابردووش لە جەوییەی یەكەمی ریزبەندی یانەكانی بردبووەوە.