گیانلەدەستدانی ٣٥ هاووڵاتی میسری لە ڕووداوێکی هاتوچۆدا
ڕووداوێکی هاتوچۆ لە نێوان چەند ئۆتۆمبێلێک لە باکووری میسر ڕوویدا و بەهۆیەوە ٣٥ کەس گیانیان لەدەستدا و ٦٠ کەسی دیکەش برینداربوون.
بەگوێرەی زانیارییە بڵاوکراوەکان، ئەم ڕووداوە بە دزەکردنی نەوت لە تانكەرێكی نەوت دەستیپێکردووە و دوای پێکدادانی چەند ئۆتۆمبێلێک، ئاگرێکی بەرفراوانی لەسەر ڕێگای ئەسکەندەریە-قاهیرە دروستکردووە. لەم ڕووداوە ترسناکەدا نزیکەی 30 ئۆتۆمبێل ئاگریان گرت.
پێویستە ئاماژە بەوە بکرێت، کە زیاتر لە ٢٠ ئەمبولانس بریندارەکانیان گواستوەتەوە بۆ نەخۆشخانەکانی نزیک شوێنی ڕووداوەکە، هەروەها پێویستە ئاماژە بەوە بکرێت، کە ژمارەی ئەو ڕووداوانەی ڕێگاوبان کە دەبنە هۆی گیانلەدەستدان لە میسردا بەرچاوە، بەتایبەتی بەهۆی ناستانداردبوونی ڕێگاوبانەکان و پابەندنەبوون بە... یاساکانی هاتوچۆ.
گوڵان: سەردار خەلیل
