پیرۆكسیدی هایدرۆجین Hydrogen peroxide ددانەكان سپی دەكاتەوە بە لابردنی ئەو ئاوێتە كیمیاییانەی كە ددانەكان زەرد دەكەن، بەڵام ئایا بەكارهێنانی پیرۆكسیدی هایدرۆجین بۆ ئەم مەبەستە گونجاو و بێ زیانە؟.

 بەكارهێنانی گیراوەی پیرۆكسیدی هایدرۆجین بە ڕێژەی كەمتر لە 10% بەگشتی بێ زیانە، وا باشترە كە ڕێژەكەی لە نیوان 1-6% دا بێت. كۆمەڵەی ئەمەریكیی پزیشكیی ددانی ADA جەختی كردووەتەوە كە پیرۆكسیدی هایدرۆجین زۆر كاریگەرە بۆ سیپكردنەوەی ددانەكان، بۆیە گەلێك لە بەرهەمەكانی گرنگیدان بە تەندروستیی دەم و ددان وەكو هەویری ددان یان گیراوەكانی شووشتنی دەم ئەم ماددەیە لەخۆدەگرن بۆ سپیكردنەوە و ڕەونەقدان بە ددانەكان. پیرۆكسیدی هایدرۆجین جگە لە سپیكردنەوەی ددانەكان، هاندەرە بۆ لابردنی چینی بەكتریای سەر ددان و پوك كە هۆكارە بۆ هەوكردنی پوك Gingivitis و كلۆربوونی ددانەكان.

زیانە لابەلاكان: سووانی چینی مینای ددان، زیاد هەستیاربوونی پووك و ددانەكان، زبربوون یان هەندێك جار لووسبوونی ڕووی ددانەكان، سووتانەوەی پوك، هەروەها گۆڕانی ڕەنگی ددانە دەستكردەكان ئەگەر هەبن بە شێوەی پرد یان ددانی چێنراو..تاد.