گۆڕانكارییە ناوچەیی و نێودەوڵەتیەكان بە تایبەتی لە ڕۆژهەڵاتی ناوەڕاست هەستی پێ دەكرێت و سیاسیی و ناوەندەكانی توێژینەوەیش باس لە ناسەقامگیری و ئەگەری گۆرانكاری دەكەن، ئەمەیش دەتوانی لە ئاستە فراوانەكەیدا بیبەستینەوە بەو باسانەی ئاماژە بەوە دەدەن كە جیهانی ئێستە چیتر تاكجەمسەریی نییە و تەنانەت ڕوون نییە چەند جەمسەری هێز هەن. مێژوو گەواهیدەرە هەموو ئەو گەل و نەتەوانەی ناوچەكە و دوونیا كاتێك بۆ ئامانج روون و گەورە و دیاریكراوەكانیان هەموو ناكۆكییە سیاسی و بەرژوەندییە شەخسی و حیزبییەكان وەلاوە دەنێن و بە تەبایی و یەكریزی تێدەكۆشن و بە پلانی ستراتیژی و سیاسی و سەربازی بەرەو ئامانجەكانیان هەنگاو دەنێنن ، ئەو سەركەوتن و دەستكەوتی گەورەیان بەدەستهێناوە و بەدەست دێنن ،چونكە كلیلی چارەسەری و سەركەوتنی هەر گەل و نەتەوەیەك لە یەكدەنگی دایە و پێچەوانەكەشی لاوازی و بێ هێزی دەبێت بەرامبەر دوژمنان و داگیركەران ونەیاران ، بۆ قۆناغی ئێستا رووداو وپێشهاتەكانی ناوچەكە و دەوروبەرمان كاتێك باس لە گۆرانكاری دەكرێت ، دەخوازێت هەموو هێزولایەنەكان بە تەبایی و بەهێز بن چونكە بە بێ تەبایی ئەستەمە لە قۆناغێك بۆ قۆناغێكی گەورەتر و دەستكەوتی تر هەنگاو بنرێت ، بەتایبەت بۆ گەلی كورد كە هەردەم لە خەبات و بەرخودان و چاوەروانییە هەلومەرجە بۆ بەدیهێنانی خەونەكانی گرنگە پەیوەندییە دیپلۆماسییەكان زیاتر چاڵاكتر و گڕوتینی پێبەخشێت بەتایبەت لەگەڵ وڵاتانی ناوچەكە و زڵهێزانی جیهان وەك ئەمەریكا و فەرەنسا و بریتانیا و ئەورویا لە سەر بنەمای هاوبەش ، هەروەها گرنگە لەو پەیوندییانەدا و تەنانەت لە ناوخۆیشدا، هەمیشە بەتەبایی هەنگاو بنێین چونكە ،گرنگی زۆری هەیە و قەوارە یاساییەكەمان بەهێزتر دەكات، كورد لەو ڕووەوە ئەزموونیشی زۆرە و لەوكاتانەی وەك یەك تیم دەركەوتووە لە ئاستی دەرەوەدا، زۆر دەسكەوتی گرنگی بەدی هێناوە، بەپێچەوانەیشەوە لە كاتی ناكۆكی و ناتەباییدا لەبارەی هەر پرسێك بەتایبەت پرسە نەتەوەییە چارەنووسسازەكان، هەر دەوروبەر سوودیان لەو ناكۆكییانە وەرگرتووە بۆ لاوازكردنمان و لێدانمان هەمیش دۆستە دوورەكانمان نیگەران كردووە. بۆ ئێمە كورد كە جارێ دەوڵەتی سەربەخۆ نین دەبێ زۆر هوشیار و ئاگادار بین ، چۆن لە رابردوو بە خوێن و گیان قوربانیمان دا تا گەیشتینە ئەمڕۆ حكومرانیمان ، ئەمڕۆش بەهەمان شێوە بەرژوەندییە حیزبیەكان وهەندێك بابەتی تر بكەینە قوربانیی لەپێناو بەهێزمانەوەدا، وەك چاومان قەوارە و دەستكەوتەكنمان بیپارێزن و دەستی پێوە بگرن و كاری بۆ بكەن. بۆیە گرنگە لەناوبردنی ناكۆكییە ناوخۆییەكان و بڵاوبوونەوەی ئاشتی و هەروەها گرنگیدانی زیاتر لە پێناو گەشەكردن و باشتركردنی كەرتی ئابووری و بووژانەوە كە بەرژەوەندی گشتیی تێدایە ، گرنگە لە پێناو بەدەستهێنانی هێز و پتەویی بەرگری دەرەكی لە بەردەم وڵاتانی تردا لە سایەی كەشی پێكەوەژیانی جیاوازییەكان كە لەو حاڵەتەدا هەمووان كار بۆ پاراستنی دەسكەوتەكان دەكەن.
لەم بارودۆخ و پێشهاتانە لە رووداوی گرنگی وەك 11ی سێپتێمبەر، ڕووخانی بەعس لە 2003، بەهاری عەرەبی و شەڕی 7ی ئۆكتۆبەری 2023 نێوان ئیسرائیل و فەلەستین، ناوچەكە و جیهانیان هەژاندووە و هێشتایش ئەگەری دامركاندنەوەی دیار نییە، تەنانەت دەرفەتی شەڕ لە دەرفەتی هاوئاهەنگی زیاتر بووە، بۆیە ، لە هەموو ئەگەری شەڕ و گۆرانكارییە چاوەروانكراوەكان یەكریزی ناوماڵی كورد و گرینگی یەكهەڵوێستی بۆ ڕووبەڕووبوونەوەی ئەگەرەكان، قۆستنەوەی خۆگێلكردنی بەغدا لە بەرانبەر مافەكانی خەڵكی هەرێمی كوردستان و چۆنیەتی ئامادەبوون بۆ مامەڵەكردن لەگەڵ ئەو پرسانەی وەك لێكەوتەی شەڕ لە داهاتوو چاوەڕوان كراون، بەرپرسیارێتی هەموو لایەنەكان بە حزب و گەلی كوردستانەوە گەورەتر دەكات، چونكە پێویستمان بەوەیە یەكانگیر بین بۆ تێپەڕاندنی هەموو ئەو ئاستەنگانەی كە لە بەردەم ئەزموونی كوردستاندان.پێوستە ئەزموونى قەیران و کێشە سیاسیی و هەڵەكانی رابردوو بکەینە وانەیەکى باش لە پێناو ڕیکخستنى ن ناوماڵی كوردستان ، بۆ ئەوەی یە تەبایی و یەکریزى و یەکگوتار بەرگری لە چارەنووس و داهاتوویەكی باشتر بكەن كە بە درێژایی لایەتی كەم مێژووی تازە زیاتر لە 100 ساڵە قوربانیی وباجى مەزنمان لە پێناویدا بۆ بەخشیووە .
Rebwar