وەزارەتی پەروەردەی فەلەستین: ئیسرائیل ژمارەیەكی زۆر خوێندکاری لە غەززە و کەناری ڕۆژئاوا کوشتووە
لە سەرەتای شەڕەوە تا ئێستا سێ هەزار و ٧١٤ خوێندکار لە غەززە و کەرتی ڕۆژئاوا بە دەستی هێزەكانی سوپای ئیسرائیل کوژراون.
وەزارەتی پەروەردەی فەلەستین ڕایگەیاند، لە ٧ی ئۆکتۆبەرەوە تا ئێستا سێ هەزار و ٧١٤ قوتابی لە غەززە و کەرتی ڕۆژئاوا کوژراون و پێنج هەزار و ٧٠٠ قوتابیش برینداربوون.
وەزارەتەکە ئاماژەی بەوەشکرد: لە ٧ی تشرینی یەکەمەوە تا ئێستا ٢٠٩ مامۆستا و بەڕێوەبەری قوتابخانە لە غەززە کوژراون و ٦١٩ مامۆستاش برینداربوون، هاوکات لە کەرتی ڕۆژئاوا دوو مامۆستا برینداربوون و ٦٥ مامۆستاش دەستگیرکراون.
گوڵان: سەردار خەلیل
