لە ئەنجامی وەرگەڕانی پاسێک لە تورکیا شەش کەس گیانیان لەدەستدا
بەهۆی وەرگەڕانی پاسێکی نەفەرهەڵگر لە ناوەندی تورکیا لانیکەم ٦ کەس کوژران و زیاتر لە ٣٠ کەسیش بریندار بوون.
قایمقامی قەستموونی ژمارەی بریندارانی ئەم ڕووداوەی بە ٣٣ کەس ڕاگەیاند و ڕایگەیاند، كەلە نێو کوژراوەکاندا هیچ گەشتیارێک نییە.
ئەم پاسە کە تا ئێستا ناسنامەی شوفێرەکەی ئاشکرا نەکراوە ، لەکاتی ڕۆیشتن لە ڕێگا دەرچووە و لە ناوچەیەکی گوندنشین وەرگەڕاوە.
بەپێی زانیارییەکان دەستبەجێ هێزەکانی ئاگرکوژێنەوە و فریاگوزاری ڕەوانەی شوێنەکە کراون و بریندارەکان لە پاسەکە دەرهێنراون و گواستراونەتەوە بۆ نەخۆشخانەکانی نزیک شوێنی ڕووداوەکە.
هەروەها وردەکاری زیاتر لەسەر ئەم ڕووداوە و هۆکارەکەی لەژێر لێکۆڵینەوەدایە.
گوڵان: سەردار خەلیل
