ئێرلەندا دان بە دەوڵەتی فەلەستین دەنێت

 

سیمۆن هاریس، سەرۆکوەزیرانی ئێرلەندا، مایکل مارتن جێگری سەرۆکوەزیران، وەزیری دەرەوە بۆ کاروباری دەرەوە و بەرگری و ئیمۆن ڕایان، وەزیری گواستنەوەی ئێرلەندا لە شاری دبلن کۆنگرەیەکی ڕۆژنامەوانییان ئەنجامدا.

لە سەرەتای قسەکانیدا لەم دیدارەدا سەبارەت بە دانپێدانانی دەوڵەتی فەلەستین، هاریس گوتی: ئەمڕۆ ئێمەی ئێرلەندا، نەرویج و ئیسپانیا ڕادەگەیەنین کە دان بە دەوڵەتی فەلەستین دەنێین.

ئاماژەی بەوەشکرد: ئێستا هەریەک لە ئێمە ڕێوشوێنی نیشتمانی پێویست دەگرینەبەر بۆ جێبەجێکردنی ئەو بڕیارە.

هاریس گوتی: دڵنیام وڵاتانی دیکەش لە هەفتەکانی داهاتوودا لەگەڵمان دەبن بۆ گرتنەبەری ئەم هەنگاوە گرنگە، گوتیشی پێش ڕاگەیاندنی ئەمڕۆ لەگەڵ هەندێک لە سەرکردە و هاوتاکانی کۆبووەتەوە.

 

 

گوڵان: سەردار خەلیل