ئۆکرانیا ڕایگەیاند: بەهۆی هێرشی ڕووسیا بۆ سەر فرۆشگایەک لە خارکیڤ، ١١ کەس گیانیان لەدەستداوە و ٤٠ کەسیش برینداربوون.

ئۆلێگ سینگوبۆڤ، پارێزگاری خارکیڤی ئۆکرانیا، لە تۆڕی کۆمەڵایەتی ڕایگەیاند: دوێنێ لە هێرشی سوپای ڕووسیا بۆ سەر فرۆشگای کەرەستەی بیناسازی لەم شارە، ١١ کەس گیانیان لەدەستدا و ٤٠ کەسیش برینداربوون.

ئاماژەی بەوەشکرد: دوو کەس لە بریندارەکان باری تەندروستییان سەختە و کەسێکیش مەترسی مردنی لەسەرە.

پێویستە بگوترێ کە دوێنێ ڕووسیا بە بۆمبی ئاسمانی ڕێنمایی کراو هێرشی کردە سەر فرۆشگایەکی فرۆشتنی کەرەستەی بیناسازی لە شاری خارکیڤ.

 

 

گوڵان: سەردار خەلیل