ژمارەی ئەو کەسانەی بەهۆی باران بارین گیانیان لەدەستداوە بۆ ٣٣ کەس زیادی کرد و ٢٤ کەسیش بریندار بوون.

بەهۆی لافاو و بارانبارینی وەرزی لە ناوچەکانی باکوور و ناوەڕاستی تایلەند 33 کەس گیانیان لەدەستدا.

بەپێی ڕاپۆرتی هەواڵی ڕۆژنامەی « نیشن »ی تایلەند، لە ڕاگەیەندراوی وەزارەتی خۆپاراستن و بەرەنگاربوونەوەی کارەساتە سروشتییەکان، بارانبارینی بەخوڕ و لافاو لە 24 ناوچە لە 7 پارێزگای ئەو وڵاتە هێشتا کاریگەرە.

لەم بەیاننامەیەدا هاتووە کە ژمارەی ئەو کەسانەی بەهۆی باران بارینی زۆر گیانیان لەدەستداوە بۆ ٣٣ کەس زیادی کردووە و ٢٤ کەسیش بریندار بوون.

لەم ڕاگەیاندنەدا ئاماژە بەوە کراوە کە بەهۆی بارانی بەخوڕەوە ٣٦ هەزار و ١٩٩ ماڵ ژێرئاوکەوتوون.

 

 

 

گوڵان: سەردار خەلیل