لە شاری كەركوك شانۆگەری (دڕك) نمایش كرا

هونەرمەندی شانۆكار محەمەد بەرزان ناسراو بە(حەمە شانۆ) كاری دەرهێنانی ئەم شانۆگەرییەی ئەنجامداوە و (بەهرام ئەفشاری)دەقی شانۆگەرییەكەی نووسیوە,لە شانۆگەرییەكەدا ژمارەیەك ئەكتەری بەتوانا ڕۆڵیان گێڕاوە كە ئەوانیش پێكهاتوون لە (محەمەد عەلی-جانۆ-یاد نیاز-حەمدی حەمەئەمین-مینا زەنگەنە-بەڵێن كاوە)هەروەها (شەرا ئەدیب) دیزاینی جلوبەرگی ئەنجامداوە,ناوەڕۆكی ئەم شانۆگەرییە باس لەو مرۆڤانە دەكات كە بە سرووشتی خۆیان دەرناكەون و هەمیشە دیوێكی خۆیان بە شاراوە جێهێشتووە و بوونی خۆیان بەو شێوەیە نییە كە دەبیندرێت,ناونیشانی ئەم شانۆگەرییە لەوەوە سەرچاوەی گرتووە كە كەسانێك وەكو گوڵێكی ساختەو درووستكراو خۆیان نیشان دەدەن بەڵام لە ڕاستیدا هاوشێوەی دڕكن و ئازاربەخشن بە كردار بێت یاخود بە ووشەیەك دەتوانن هەستی بەرامبەر بریندار بكەن و زیان بگەیەنن.

وەكو وەفا و ڕێزلێنانێك گروپی شانۆیی دیالۆگ ئەم كارە هونەرییەی پێشكەش بە روحی نووسەر و سەرۆكی سەنتەری دیالۆگی كەركوك (زاهیر شكور)كرد كە لە چەند ڕۆژی ڕابردوودا كۆچی دوایی كرد.

گوڵان-ئاسۆ كاكەیی