فیلمی "بێدەنگی مێروولەكان" لە دەرهێنانی سینەماكار سۆران ئیبراهیم، بە نوێنەرایەتیی هەرێمى كوردستان، لە فێستیڤاڵێكى سینەمایى جیهانىدا لە پێشبڕکێدایە.

سۆران ئیبراهیم، بە ئاژانسی پەیامنێری راگەیاند، فیلمى "بێدەنگى مێروولەكان" لە بەشی پێشبڕكێی سەرەكی فێستیڤاڵی فیلمی ئەڵترناتیڤدا بەشدارە و تاكە نوێنەری هەرێمی كوردستان و عێراقە لەم فێستیڤاڵەدا.

گوتیشی "فێستیڤاڵەکە لە رۆژى 8ـى كانونى یەكەمى ئەمساڵدا دەستپێدەكات و تاکو 12ـى هەمان مانگ بەردەوام دەبێت".

سەبارەت بە ناوەڕۆكى فیلمەكەش، ئیبراهیم گوتى "فیلمەكە باس لە چەمكى مردنێكى شەرەفمەندانە دەكات و بەباشمزانى بە رۆحی فەریناز خوسرەوانی بکەم، ئەو كچە كوردەی لەپێناو پاراستنى شەرەف و ناموسی خۆیدا كۆتایى بە ژیانى خۆى هێناو مردنێكى شەرەفمەندانەى هەڵبژارد".

ئاماژەی بۆ ئەوەکرد، فیلمەكە سەبارەت بە كەسایەتییەكە كە ئومێدی ژیان لەدەست دەدات و وا بیردەكاتەوە جگە لە مردن هیچ رێگەیەك بۆ ژیانكردن نەماوە.

روونیشیکردەوە، ئەم فیلمە بەپشتگیرى بەهمەن قوبادى دەرهێنەرى بەناوبانگى كورد، بەرهەمهێنراوە.

ستافى بەرهەمهێنانى فیلمەكە بریتین لە: نووسین و كامێرا و دەرهێنان: سۆران ئیبراهیم، نواندن: تەها ئاغاجان، دڵنیا كاموسی، چیا هەورامی، یاریدەدەرانی كامێرا: محەمەد رەزایی، تۆفان ئەبوبەكر، خالید مەولود.

دەنگ هەڵگر:محەمەد تۆریوەریان، مۆنتاژ و دەنگ دانەر: سۆران فەهیم، راوێژكاری سیناریۆ: تۆفیق ئەمانی، تروكاژ: سۆلاڤ فیلم، دیزاینی جلوبەرگ: سۆران ئیبراهیم، یاریدەدەری جلوبەرگ: هەردی حەسەن، یاریدەدەرانی دەرهێنەر: هەردی حەسەن، پەیمان جەمشیدی، سەحەر نیكپور، میكیاژ:عەلی ئەژدەری، یاریدەدەری میكیاژ: مینا موعینی.

رەنگ:مەیسەم كەمالی، دیزاینی پۆستەر و تیتڕاژ: زانیار كاكەخانی، بەرپرسی راگەیاندن: شۆڕش محەمەد، وێنەگری پشت كامێرا: قادر فەرەجی، یاریدەدەری بەرهەمهێنەر: شاخەوان ئیدریس.

بەڕێوەبەری بەرهەم: سەنگەر حەسەن، یاریدەدەرانی بەرهەم: كەیهان ئەنوەر، كارزان ئیبراهیم، هاوار قادر، بەرهەمهێنەر: سۆران ئیبراهیم، بەرهەمی: ئاكۆ فیلم كوردستان-عێراق2015".