بەپێی دوایین ئامار كە حكومەتی باشووری ئەفریقیا بڵاوی كردووە، باس لەوە دەكات لەكاتی دەستپێكردنی مۆندیال زیاتر لە 682 هەزار گەشتیار سەردانی باشووری ئەفریقیا-ن كردووە و زۆربەی گەشتیارەكان لە وڵاتە دراوسێكانی باشووری ئەفریقیا هاتوون، وەكو وڵاتەكانی لیسۆتۆ و زیمبابۆی و مۆزمبیق و بۆتسوانا و سوازیلاند.
هەروەها زۆرترین گەشتیار جگە لە وڵاتەكانی ئەفریقیا، كە سەردانی باشووری ئەفریقیا-یان كردووە لە وڵاتەكانی ئەڵمانیا و ئەمریكا و بەریتانیا و مەكسیك و بەرازیل و ئوستراڵیا هاتوون.

حكومەتی باشووری ئەفریقیا تەئكیدی لەوە كردووە، كە لە قۆناغەكانی داهاتوو چاوەڕوانی ئەوە دەكەین ژمارەیەكی زۆرتر لە گەشتیارەكان سەردانی باشووری ئەفریقیا بكەن.