هونەرمەندی لاو كاروان كامل سەرقاڵی كار كردنە لە بەرهەمێكی نوێی گۆرانی كە لە چەند تراكێك پێكهاتووە.

لەم بارەیەوە هونەرمەند كاروان كامل لە لێدوانێكیدا بۆ گۆڤاری گوڵان وتی: ئێستا خەریكی كار كردنم لە بەرهەمێكی نوێی گۆرانی كە لە 12 تراك پێكهاتووە و بەشێكی زۆری كارەكانم تەواو كردووە، كاروان كامل لە درێژەی لێدوانەكەیدا وتی: دوو لە گۆرانیەكانی ئەم بەرهەمە بە زاراوەی سۆرانییە و سەرەتای بڵاوكردنەوەی بەرهەمەكە كە لە مانگی نەورۆزدا تەواو دەبێت، گۆرانییەك كلیپ دەكات دواتریش بە نیازە دوو گۆرانی دیكەی ئەم بەرهەمە كلیپ بكات.