وه‌ك نه‌ریتێكى سالاَنه‌، ئه‌مساڵیش به‌شی شانۆ له‌ په‌یمانگاى هونه‌ره‌جوانه‌كانى هه‌ولێر تێزه‌كانى ده‌رچوونى خوێدنكارانى به‌شی شانۆ نمایش ده‌كا.

ئه‌م شانۆگه‌رییانه‌ كه‌ به‌هاوكارى سه‌ره‌كى به‌رِێوه‌به‌رایه‌تى هونه‌رى شانۆی هه‌ولێر له‌ دابینكردنى هۆڵ و هاوكارى مادى و مه‌عنه‌وى نمایش ده‌كرێن، له‌ 10تا19/1/2011 له‌ هۆڵی گه‌لى شارى هه‌ولێر نمایش ده‌كرێن.

وه‌ك ده‌ستپێكى تێزه‌كان، كاتژمێر 11ى سه‌رله‌به‌یانى رۆژی دووشه‌ممه‌ 10/1/2011 شانۆگه‌رى "قابیل و هابیل" له‌ نووسینى فرێدریك كۆفكاو ده‌رهێنانى خوێندكار ره‌گه‌ز ئیسماعیل نمایش ده‌كرێ.

له‌م شانۆگه‌رییه‌دا هه‌ریه‌ك له‌"ده‌رباز مه‌ولود، لادێ تاهیر، ئه‌رسه‌لان یاسین، ئه‌ژین سه‌لیم" وه‌ك نمایشكار به‌شدارن.

شایانى باسه‌ تێزه‌كانى ئه‌مساڵ ژماره‌یان 5 كارى شانۆییه‌و سه‌رجه‌مى كاره‌كان له‌ هۆڵی گه‌ل نمایش ده‌كرێن.