لە وەڵامی وەزیریكی حكوومەتی عێراقدا، وەزیری پلاندانانی عێراق دەڵێت: بە ئیمام عەباس هەموومان دەنگمان داوە لەسەر ئەوەی لێبڕین لە مووچە بكرێت.

لە بەرنامەیەكی كەناڵی ( ئەلشەرقیە)دا، وەزیری كشتوكاڵی عێراق محەمەد كەریم خەفاجی، كە ئەندازیارێكی كشتوكاڵییە، گوتی: ئێمە سوێندمان بە ئیمام عەباس خواردووە، لێبڕین و باج دانان لەسەر بودجە تێنەپەڕێنین".

لە بەرنامەكەدا خالید بەتاڵ، وەزیری پلاندانانی عێراق بە وەزیری كشتوكاڵ دەڵێت: دەی بە ئیمام عەباس هەموومان دەنگمان داوە، لەسەر لێبڕین لە مووچە و بڕاوەتەوە و بووه‌تە بڕیار".
وەزیری پلاندانانی حكوومه‌تی عێراق، جەخت دەكاتەوە لێبرینی مووچە جێبەجێ دەكرێت.

دانانی باج و لێبڕین لە مووچەی فەرمانبەرانی عێراق، جێگەی مشتومڕی نێوان حكوومەتی عێراق و ئەنجوومەنی نوێنەرانی عێراقە، وەزارەتی دارایی لە نووسراویدا وەك هۆیەك بۆ زیادكردنی داهات، باسی باجی سەر مووچەی كردووە، ئەویش پشتبەست بە بڕگەیەكی بودجەی 2021ی عێراق.














باسنيوز