جێگری سەرۆکی حکوومەتی رووسیا لەگەڵ بەرپرسانی باڵای عێراق کۆ دەبێتەوە
وەزارەتی دەرەوەی عێراق لە بەیاننامەیەکدا رایگەیاندووە: یوری بۆریسۆڤ، جێگری سەرۆکی حکوومەتی رووسیا ئێوارەی رۆژی چوارشەممە 21-4-2021 بە سەردانێکی فەرمی، گەیشتە بەغدا.
وەزارەتی دەرەوەی عێراق ئاماژەی بەوە کردووە، کە یوری بۆریسۆڤ سەرۆکی لایەنی رووسییە لە لێژنەی هاوبەشی هاوکاریی عێراقی - رووسی.
بەپێی هەواڵێکی ماڵپەڕی (RT)ی رووسی، بۆریسۆڤ ئەمڕۆ پێنجشەممە لەگەڵ فوئاد حوسێن، وەزیری دەرەوەی عێراق و سێ سەرۆکایەتییەکەی ئەو وڵاتە، کۆ دەبێتەوە.
باسنیوز