دوای 70 ساڵ كرملین فەرشی سوور بۆ بارزانی ڕادەخات
د. محەمەد خدر مەولود
ئەوسا بارزانیی باوك لەپێناو بەرژەوەندی میللەتەكەی و هەڤاڵانی ئامادەبوو، قوربانی بە گیانی خۆی بدات، لە وڵاتێكدا بانگەشی پەیوەندی و دۆستایەتی گەلانی دەكرد و بەدروشمی ناوەندی حزبیش (نشتیمانێكی ئازاد و گەلێكی بەختەوەر ) دونیای ئەتڵەنتیك و ئۆراسیاو ئەڤریكای تەنی بوو، باش بوو سۆڤیەت زوو بەخۆ كەت و بەبریاری خرۆشۆف سەربەرزانە بارزانی و هەڤاڵانیی گەڕاندەوە كوردستان.
ئەوسا لە 1947لە گەیشتنە نێو خاكی سۆڤیەت تا دەرچوون لێی لە 1959 لە دەربەندی ئەدێسای وڵاتی ئوكراینایی ئێستا دا بە كەشتی جۆرجیا لەدەریای ڕەشەوە بۆ دەریای سپی و سوور و كەنداو بەسرەو بەغدا تا وێستگەی شەمەندنەفەری هەولێر. گەرانەوەی سەرفرازانەی جەنەڕاڵێكه كە نشتیمان پێویستییەتی و چاوەڕوانیەتی، بۆ شیۆڕشێكی مەزنی وەك ئەیلولیش تێشوی پڕواوپڕە لە ئەزموونی شۆرشی بارزان و كۆماری مەهاباد و یەكێتیی سۆڤیەت ، وێڕای ئەو گەلەكۆمەكییە دەرەكی و ناوەكییانەی بەردرێژایی شۆڕشی ئەیلولیش لێیكرا، بارزانی نەمر، بەخودان و درێژە پێدانی ڕیبازێكی جێهێشت بەر هەمەكەی وا ئێستا لە 29-5-2017 تا 1و2-6-2017 دێتە دی و دوای 70 ساڵ بەسەر ئەو مێژووە نێچیرڤان ئیدریس مستەفا بارزانی، سەرۆكی حكومەتی هەرێمی كوردستان پشت ئەستوور بە تێكۆشان و خەباتی ژیرو دیبلۆماسیانەی مەسعود مستەفا بارزانی سەرۆكی هەرێمی كوردستان ، وا لە فڕۆكەخانەی هەولێرەو بەرەو سانپیتەرسبرۆگ دەچێ، و لەوێوەش هەر بەفڕۆكە بەهەگبەی پڕ لەسەركەوتنی سیاسی و ئابووری دێتەوە هەولێر و بە داخدار بونی زیاتری ناحەزان و دوژمنان چ گۆڕانێكی مەزنە لەسیاسەتی ناوەند پارێزی سۆڤیەتی جاران و كرانەوەی ڕوسیای ئێستای پوتین ڕوودەدات ؟ ئەی چ هەڵ و دەرفەتێكی زێرینە بۆ كورد دێتە پێش ؟ یا هەر خۆی شایستەیی لەمێژینەی كوردە و درەنگتر لە كاتی خۆی دێتە بەرهەم ؟
دەكرێ، لەم ڕوانگەیەوە سەیری كۆڕبەندی سانپیتەرسبرۆگ بكەین و بڵێین بەرهەمی 70 ساڵەی پەیوەندی دیبلۆماسی روسیای شورەوی جاران و ئێستای پوتینە لەگەڵ بارزانی باوك و كوڕ و بۆ كوردستانی دوای شەری داعش هەر ئەوە نییە دوو كۆمیانیای زەبەلاحی وەك گازپڕۆم ڕۆسنێفت وەبەر هێنان بێننە كوردستان و ئیدی تەواو، وەك باوە لە سیاسەتی ئاوریشمی روسەكان لەدوای شەڕی ئەفغانستان، بەتایبەتیش لە دوای پرۆسترێكاوە تۆزێ بەدرەنگەوە دێنە نێو ئەوهاوكێشانەی كە ئەمریكییەكان گەرمام و گەرم بەرپایی دەكەن و پاشان لە ناكاو خۆیان لە رزگار كەر بۆ داگیر كەر دەگۆڕن و لە ناكاویش بریمەر ئاسا سوپاكانیان لە گۆڕەپانەگەرمەكان دەكشێننەوە، هاتنە نێو هاوكێشەكە ی ڕۆژهەڵات و باشوری ئوكراینای هاوپشت و دراوسێ و سوریای دۆست و هاو پەیمان بۆ رووسەكان باشترین بەڵگەیە. وا زلهێزەكان لێرەن، داعش و ناحەز و دوژمانی كوردستانیش لەسەنگەر دان
پریشكی ئەم چەند ئاگرە لە ناوچەكە دا هێشتا چەخماغەدەدا و
لەم سەین بەینەدا دەبێ بارزانی چی بكات ؟ هەموو بەرمیلە نەوتەكان بخاتە نێو سەبەتەی سۆمۆوە ؟ لەكاتێكییش دا هێڵی گازی نابۆكۆف و دەوڵەتانی عەرەبی كەنداو بۆ گەرمكردنەوەی ئەورووپا جكە لە تێجووی زیاتر لەچاو گازو نەوتی كوردستان، گرەنتییەكەشی مسۆگەر نییە.
بارزانی خاوەنی پرۆژەی دەوڵەتی سەربەخۆی كوردستان، ئەو پیاوەی تەواوی دونیا سەرسامی ئازایەتی و بوێری و ژیری و دبلۆماسیەتی تی ، مۆسكۆش وەك نێوەندە بریار بەدستەكان هەستپێدەكاو دەزانێ وا بارزانی نەخشە ڕێگای دەوڵەتی سەبەخۆی كوردستانی خستۆ سه ر راستەرێی گەیشتن بە نەتەوەیەكگرتوەكان، بۆیه سوودمەنددەبێ گەر سەرمایەی خۆی لە ژێر خانی ئەو دەولەتە تازەیە وەگربخات و تا ئێستاش بە كەشتییەك نەوتی 600 هەزار بەرملی ئەزمونێكی سەركەتوی لەگەڵ كوردستان تۆمار كردوە و با گریمانەكانیش پێجەوانەی خواستی كوردستان بكەوێتەوە، تۆ بڵێی ئەوەندە زەرەرمەندبین بەقەد ئەو پرۆپاگەندانەی داناغاز و ناحەزان و دوژمنانی ناوخۆو دەرەكی كوردستان ڕۆژانە پێمانی دەكەن، لەگەڵ رووسەكان زەرەر بكەین ؟
لەكاتێكدا رووسەكان بەستنی ئەم پەیوەندییە لەگەڵ كوردستان بۆ مێژووی دێرین دەگەڕێنێتەوە و دەشزانن كاركردن لەگەڵ هەولێر كاركردنە لەگەڵ ناوەندێكی بەیەكگەیشتنی بەرژەوەندییە سیاسی و ئابورییەكانی جیهان لە ناوچەكە دا و كەسی وەك بەرێز بارزانی سەرۆكی هەرێمی كوردستانیش لەسیاسەتكردن دا ڕوون و ڕەوانە، تێدەكۆشێ تا دۆست و هاوپەیمان بۆ پرسی نەتەوەكەی زیاتر بكات، نەك دۆزینەوەی ئەلتەرناتیف و بەكژیه ك وەنانی زلهێزان.
