وەک هەمی دزانن ئەنجومەنێ دادوەری بلندترین دەسهەڵاتا دادوەری یە ل هەرێما کوردستانێ و دەسهەڵاتا سێیەمینە ل پشت دەسهەڵاتێن یاسادانانێ(پەڕلەمان) و دەسهەڵاتا بجهـئینانێ (حکومەت) ، پشتی ساڵا 1992 د هەلبژاردنەکا ئازاد و دیموکراسی دا ئەم بووینە خودان دەستهەڵات ژوان دەستهەڵاتا دادوەری ل هەڕێما کوردستانێ ، ب پێکئینانا ئەنجومەنێ بلند یێ دادوەریێ کو ئەنجومەنەکێ سەربخۆیە ل هەڕێما کوردستانێ زور ب جوانی و بێلایەن کارکریە ژپێخەمەت بەرقرارکرنا دادیێ و پێگری کرن ب یاسایێ ، ئەڤە ددەمەکی دایە پێشتر هەمی دادگەهێن کوردستانێ ل ژێر هەیمەنەیا بڕیارێن وەزاراتا (داد) یا عێراقی بون ل بەغدا .

دەسهەڵاتا دادوەری دڤێت سەربخو بیت و نابیت ب هیچ ڕەنگەکی دەستێوەردان و مایتێکرن لێ بهێنەکرن لسەر ئاستی جڤاکی و سیاسی و حکومی ، چنکی دەستهەڵاتەکا گرنکە و ئێکە ژ چەمکێن هەرە گرنگ یێن دەولەتێ ، هەر وەک دیارە ل هەڕێما کوردستانێ بلندترین دەسهەڵات ژ ئالیێ جڤاکی وەک تاک و ئالیێن حزبی وەک ئوپزیسون و کەسێن سیاسی دهێتە ڕەخنەگرتن لسەر بنەمایەکێ دژبەری و بێگوهدانە هندێ کو ب هیچ ڕەنگەکی نابیت ئەڤ دەسهەڵاتا بلند و باوەرپێکری دەستێوەردان لێ بهێتە کرن، ل کوردستانێ و بتایبەت ژ ڵایێ حزبێن ئۆپۆزسیون هەوڵ ددەن مایتێکرنێ دڤێ دەستهەڵاتا سەربخۆ بکەن و سەنگا وێ کێم بکەن ، وەک مادەیەک بکار ئینایە د راگەهاندناندا بێ ویژدانانە خەلەتیا دکەنە دروستی و دروستیا دکەنە خەڵەتی ، و دڤێت ڤێ دەستهەڵاتێ ژبو مەڕام و مەبەستێن حزبی و شەخسی بکاربینن و کار لسەر دکەن ڤێ دەسهەڵاتا بلند لەکەدار بکەن و بێبها نیشانبدەن و ل سەروەریا وێ کێم بکەن، د وەختەکیدا ئەڤ دەسهەڵات دکوپتیکا ڕاستی و بریارێن دروستدایە و ئازادانە بریارێ ددەت بشێوەیەکی دروست بێ گوهدانە هیچ ڵایەنەکی و قەرقەشەیا سیاسی و راگەهاندنێ.

بمخابنیڤە خەلکێ کوردستانێ بشێوەیەکی زور کەفتیە د ئاستەنگەکا هزریدا و نەشیایە بگەهنە بڕیارێن درست ژبەر کو مایتێکرن بەردەوامە ژ ئالیێ هندەک ڵایەنێن سیاسی و کەسایەتیێن دژبەر نەهێلایە چڤاک بگەهیتە بریارا درست ،ئەڤ چەندە بو نەبوونا هزەرەکا ڤەکری و مێشکەکی سەردەمیانە ڤەدگەریێت، هەروەها جڤاک زور تر لسەر بنەمایەکێ هەست و سوزی کاردکەت بو گەهشتنا وان ب بریارێن درست ، هزرا وان بەرتەسک بویە و کەفتینە کێشەیا بریاردانێ، ئەڤ چەندە ب پڵا ئێکێ بو ڕاگەیاندنا ئوپزسیونێ نەدروستیا هندەک لایەنێن سیاسی ڤەدگەریت کو دحکومەتێدا بەشدارن ، هەروەها نەبۆنا یاسایەکی تایبەت بو ڕاگەهاندنێ هوکارە کو ڕاگەهاندن بشاشی بهێتە بکارئینان و بئاوایەکی نەدرۆست سەرەدەریا دگەل بڕیارێن دەسهەڵاتا بڵند یا دادوەری دکەن.
جهێ داخێیە پشتی دادگەهـ کرنا چەند کەسێن بناڤ ڕوژنامەڤان و چالاکڤان کو تومەتا سیخوریێ و تێکدانا وەڵاتی لسەرە ببەلگە و بریارا زیندانکرنێ بو دەرچۆی،هەر زوی ئەڤ بڕیارە ژ ڵایێ هندەک ئالیێن سیاسی کەفتیەبەر ڕەخنەیان و مایتێکرنێ .
ل سوشیالمیدیایێ بویە بابەتەکێ گەرمێ ڕوژەڤێ، ئەڤە ددەمەکی دایە کو بەشەکی جڤاکی کەفتیە ژێر باندۆڕا ئیرهابا فکری و لدیف ڕژاندنا هەست و سوزان کەفتیە کو بابەتا د هەستێن زارۆکاندا ل پێش چاڤێن جڤاکی دئینە پێش چاڤ بو هندێ دا ئاستەنگ دبریاردانا جڤاکیدا درۆستبیت و نەشێن بگەهنە بڕیارێن درست، ژبەر هندێ پێتڤیەکا گرنک و فەرە لسەر چڤاکی ب جوان و بشێوەیەکی هزری سەرەدەریان دگەل بابەتان بکەن و کارێن نیشتیمانپەڕوەری و کارێن سیخوری و تێکدانێ ل ئێک جودابکەن.
پێش گرتنا چاڵاکوانێن بناڤ ڕوژنامەڤان ل بادینان ،زور کەسایەتیێن سیاسی و ڕوژنامە ڤانی و ئالیگڕێن حزبی بوینە ئارمانج و هاتینە تیرورکرن، لێ مە نەدیت کەس لسەر وان ئێک پەیڤ بێژیت و بەرگریێ ژێ بکەت،ئەڤە ددەمەکیدایە کو خودانێن وان کەسێن هاتینە تیرورکرن هیڤی خوازبون کورێن وان د زیندانان بان و هاتبانە دادگەهکرن، نەک بهێنە تیرورکرن کو چ بهایەک بو ئازادیێ نەهێڵایە.