لە شاری سلێمانی یەكەمین دیداری شێركۆ بێكەس بەڕێوەچوو

لە دیدارەكەدا وێڕای ژەنینی موزیك و خوێندنەوەی چەند بەرهەمێكی شیعریی ئەم گەورە شاعیرە كوردە,ڕێوڕەسمی ناساندن و بڵاوكردنەوەی(نیشتمانی شێركۆ بێكەس و دەربەندی خۆشەویستی) بەڕێوەچوو كە توێژینەوەیەكی ئەدەبییە لەلایەن نووسەر "عەبدولخالق یەعقوبی"ەوە ئامادەكراوە .

ئەم دیدارە كە لە هۆڵی سینەما سالم بەڕێوەچوو, هەردوو هونەرمەندی دیاری كورد (ناسری ڕەزازی) و (دیاری قەرەداغی) ئامادەی مەراسیمەكەبوون و چەند بەرهەمێكی گۆرانییان پێشكەش بە ئامادەبووانی دیدارەكە كرد,وە هەریەك لە هونەرمەندان(حەمید بانەیی) و (هەڵۆ بێكەس) بە خوێندنەوەی شیعر بەشدارییان لە دیدارەكەدا كرد .

هەر لەم دیدارە خانمەهونەرمەندی شێوەكار(بەفرین چەلەبیانی) تابلۆیەكی (شێركۆ بێكەس)ی شاعیر,وەك دیاری پێشكەشی هونەرمەندی گۆرانیبێژ (ناسری ڕەزازی) كرد .

گوڵان-ئاسۆ كاكەیی